थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०९ फागुन २६४७, बुध ]
[ वि.सं ९ फाल्गुन २०८०, बुधबार ]
[ 21 Feb 2024, Wednesday ]

मधेश ओ टीकापुर मुद्दा उठैना मोर्चाबन्दी

पहुरा | २४ पुष २०७९, आईतवार
मधेश ओ टीकापुर मुद्दा उठैना मोर्चाबन्दी

पहुरा समाचारदाता
धनगढी, २४ पुस ।
मधेश आन्दोलन ओ टीकापुर राजबन्दी रिहाईके लाग नागरिक उन्मुक्ती पार्टी ओ जनमत पार्टीसे कार्यगत एकता करले बा । पार्टीके अध्यक्ष विच अँटवारके रोज संयूक्त प्रेस विज्ञप्तीमार्फत कार्यगत एकता हुइल जनैले बटै ।

दुई पार्टी बीच हुइल सहमतिके बुँदामे टीकापुर घटनाके राजबन्दी लगायत माननीय रेशम चौधरीके रिहाइके पहल दुनु पक्षबीच सम्झौता हुइल दिनसे सुरु कैना कहल बा ।

नेपाल सरकारसे नानल मुलुकी फौजदारी कार्यविधि संहिता (पहिलो संशोधित अध्यादेश २०७१ हे संसदसे पारित कराके प्रभावकारी कार्यान्वयन करैना सरकारहे दवाव डेना, सर्वोच्च अदालतसे समेत सार्वजनिक कैना आदेश डेहल उच्चस्तरीय लाल आयोगके प्रतिवेदन सार्वजनिक कैना पहल कैना कहल बा ।

टमान आन्दोलनमे सहभागिता हुइल नागरिक उन्मुक्ति पार्टी ओ जनमत पार्टीके आस्थाके बन्दीहुकनहे लगाइल झुठा मुद्दा फिर्ता लेना कानूनी प्रक्रिया मार्फत सरकारहे दवाव डेना, नेपाल सरकार ओ तत्कालीन स्वतन्त्र मधेश गठबन्धन बीचमे २०७४ फागुन २४ गते हुइल ११–बूँदे सम्झौता कार्यान्वयन कैना सरकारहे दवाव डेना कहल बा ।

नागरिकता सम्बन्धी विद्यमान समस्याहुकनहे समाधान कैना नेपाल सरकारसे नानल नागरिकता सम्बन्धी विधेयकहे पारित कैना दबाब डेना, नेपालके संविधानमे रहल विभेदकारी तथा त्रुटिपूर्ण टमान धारा संशोधन कैना पहल कैना कहल बा ।
किसान आन्दोलनके मुद्दाहे सम्बोधन कैना वातावरण सिर्जना कैना, आदिवासी, जनजाती, महिला, मधेशी, दलित, मुस्लिम, थारु, सीमान्तकृत वर्ग उत्थानके लाग सरकारहे दवाव डेना, भष्ट्राचार विरुद्ध सरकार, सदन ओ सडकसे दवाव डेटी सुशासनके पक्षमे वकालत करटी जैनाफे दुनु दल सहमति करले बा ।

गाँस, बास, कपास, शिक्षा, स्वास्थ्य, रोजगारी, सामाजिक सुरक्षा लगायत जनतासंग प्रत्यक्ष सरोकार रख्न कार्यमे समान धारणा सहित सहकार्य कैना, संघ तथा प्रदेश सरकारमे सहभागी र्हुइबेर उप्परके बुँदाहे कार्यान्वयन कैना करके एक हुके केल जैना कहल बा ।

बडल्टी राजनीतिक परिवेशहे दृष्टिगत करके राष्ट्रिय राजनीतिहे जनमुखी, परिणाममुखी बनैना साझा मुद्दा, साझा धारणा रहल दलहुकनके बीच कार्यगत एकता आघे बह्रना अठोट अनुसार वैकल्पिक उदयमान राजनीतिक शक्ति जनमत पार्टी ओ नागरिक उन्मुक्ति पार्टी बीचमे सहकार्य कैना सहमति हुइल दुनु पार्टी जनैले बा । जनमत पार्टीके ओरसे अध्यक्ष डा. सिके राउट ओ नागरिक उन्मुक्ति पार्टीके ओरसे अध्यक्ष रञ्जिता श्रेष्ठचौधरी हस्ताक्षर करल रहिट ।

जनाअवजको टिप्पणीहरू