जिल्ला प्रशासनसे कैलारी–३ मे १०० ठो कम्रा वितरण

पहुरा समाचारदाता
हसुलिया, २७ पुस । जिल्ला प्रशासन कार्यालयसे कैलारी गाउँपालिका वडा नम्बर ३ शिवरत्नपुरके विपन्न परिवारहे एक सय थान कम्रा वितरण करले बा ।

कैलारी गाउँपालिकाके समन्वयमे जिल्ला विपद् व्यवस्थापन समितिसे वडा नम्बर ३ के शिवरत्नपुके विपन्न परिवारहे कम्बल वितरण करल हो । वडा नम्बर ३ शिवरत्नपुरमे ८० थान ओ कैलारी गाउँपालिकाके २० जाने टुहरा करके १०० थान कम्रा वितरण कैलारी गाउँपालिका जनैले बा ।

जार महिनामे ओहर्न गरम कम्रा वितरण कार्यक्रममे जिल्ला प्रशासन कार्यालय कैलालीके सूचना अधिकारी शिवराज जोशी, कैलारी गाउँपालिकाके उपाध्यक्ष भगवतीकुमारी चौधरी, वडा–३ के वडा अध्यक्ष सन्तराम चौधरी, पूर्व राज्यमन्त्री जनक चौधरी, सशस्त्र प्रहरी ओ नेपाल प्रहरी समेतके सहभागिता रहे ।