माघी मिलन खोज्नी÷बोज्नी सास्कृतिक कार्यक्रम

पहुरा समाचारदाता
बर्दगोरिया, १४ माघ । माघी मिलन खोज्नी÷बोज्नी सास्कृतिक कार्यक्रम बर्दगोरिया गाउपालिका वडा नम्बर ६ पृथ्वीपुरमे शनिच्चके रोज हुइल बा ।

बर्दगोरिया गाउपालिका वडा नम्बर ६ के अध्यक्ष राम कृष्ण डगौरा थारुके सभापतित्वमे हुइल कार्यक्रमके प्रमुख अतिथि गाउपालिका अध्यक्ष कर्ण बहादुर कुँवर रहिट । कार्यक्रममे बोल्टी अध्यक्ष कुँवर संस्कृतिके जर्गेना कैना सक्कु जाने एकजुट हुके लग्ना आग्रह करलै । साथे कुँवरसे माघी मिलन कार्यक्रमहे निरन्तरता डेना अपन ओ पालिकासे हुइना सहयोगमे कौनो कमि हुई नइडेना प्रतिवद्धता व्यक्त करलै । कार्यक्रममे विशिष्ट अतिथि उपाध्यक्ष गणेशराज गिरि रहल रहिट ।

कार्यक्रममे थारु माहालोक गायक मनिराम थारु,चर्चित थारु गायिका संगीता चौधरी,टिकटक स्टार दिपिका जि एच, चर्चित मोडेल भावना चौधरी,फुलकुमारी २ लगाएत १ दर्जन ढेर कलाकारसंगे बालक्लब, स्थानीय कलाकारहुकनके प्रस्तुती रहे ।
कार्यक्रममे गाउपालिका अध्यक्ष कुँवर वडामे चयन हुइल भलमन्सा, बडघर,चिरागी लगाएत चौकीदारहुकनहे खादा लगाके सम्मान करल रहिट ।

थारु समुदायके नया बर्षके रुपमे लेना माघ महिनामे भल्मन्सा, बडघर चयन कैना चलन रहल बा । कार्यक्रममे वडा सदस्य अमर सिंह डगौरा स्वागत करल कार्यक्रममे वडा नम्बर ५ के अध्यक्ष भोलेराम चौधरी, वडा सदस्य नेहा चौधरी, धनसरा सुनार, नेपाली काँग्रेस बर्दगोरिया गाउकार्य सभापति कृष्ण बिष्ट, नेकपा माओवादी बर्दगोरिया अध्यक्ष राम बहादुर साउद, महुन्याल मा वि क विद्यालय व्यवस्थापन समिति अध्यक्ष धिरेन्द्र जैशी, प्र अ चन्द्रिका जोशी , लगाएत समाजसेवी,बुद्धिजीवीहुकनके सहभागिता रहल रहे । कार्यक्रमके संचालन खुशी रत्गैया करले रहिट ।