थाकासके घोडाघोडी नगर सभापतिमे फेरसे रेणुका

पहुरा समाचारदाता
सुखड, १४ माघ । कैलालीके घोडाघोडी नगरपालिकास्तरीय थारु कल्याणकारिणी सभाके सभापतिमे फेरसे रेणुका चौधरी सर्वसम्मतसे चयन हुइल बटी ।

उपसभापतिमे अमन चौधरी, शंकर चौधरी, ललिता चौधरी चयन हुइल बटै । ओस्टेक कोषाध्यक्षमे जितेन चैधरी, सचिवमे लहानुराम चौधरी ओ उप–सचिवमे मनोहर चौधरी चयन हुइल बटै । ओस्टेक करके सदस्यमे ज्ञान बहादुर चौधरी, श्रीराम चौधरी, सिताबि कठरिया ओ खुशीराम चौधरी चयन हुइल बटै ।

घोडाघोडी नगरपालिकाके नगर उपमेयर गुलियाकुमारी चौधरीके वडका पहुनामे हुइल कार्यक्रममे विशिष्ट पहुना पूर्व नगर प्रमुख ममताप्रसाद चौधरी, थारु कल्याणकारिणी सभा कैलालीके कार्यवाहक सभापति माधव चौधरी, थारु विद्यार्थी समाजके केन्द्रीय उपाध्यक्ष ठाकुरप्रसाद करिया प्रधान रहल रहिट । दुसरा नगरअधिवेशन पार्षदमे प्रमोद चौधरी ओ सुन्दर चौधरीहे चयन करले बा ।