ग्यालेक्सी स्कुलके २९ औं वार्षिकोत्सव

पहुरा समाचारदाता
धनगढी, १७ माघ । धनगढीस्थित ग्यालेक्सी माध्यमिक विद्यालय मंगरके रोज २९ औं वार्षिकोत्सव तथा दिवस मनैले बा ।
गुणस्तरीय शिक्षा प्रदान करना धनगढी उपमहानगरपालिका वडा नम्बर ५ मे २८ वर्ष आघे जीवनाथ जैसी ओ ईन्दिरा जैसी विद्यालय स्थापना करले रहैं ।

विद्यालयके संस्थापक जैसीके अध्यक्षतामे हुइल कार्यक्रमके उद्घाटन राष्ट्रिय परीक्षा बोर्ड सुदूरपश्चिम कार्यालयके प्रमुख उत्तमदेव विष्ट करले रहैं ।

कार्यक्रममे पूर्व सांसद महेश्वर पाठक, नास्ट कलेजके निर्देशक शिवहरि शर्मा मुडभरी, ऐश्वर्य बहुमुखी क्याम्पसके क्याम्पस प्रमुख धर्मदेव भट्ट, ऐश्वर्य विद्या निकेतनके प्राचार्य प्रेमनिधि ओझा, ग्यालेक्सी बहुमुखी क्याम्पसके प्रमुख मोहनराज भट्टलगायतके उपस्थिति रहे ।

उ अवसरमे टमान विधामे उत्कृष्ट नतिजा प्राप्त करल विद्यार्थीहुकनहे पुरस्कार तथा प्रमाणपत्र वितरण करल रहे कलेसे विद्यार्थीहुक्रे विविध सांस्कृतिक प्रस्तुति डेखैले रहैं । कार्यक्रमके सञ्चालन विद्यार्थीहुक्रे नितु विष्ट, दितिसा भण्डारी, विद्या उपाध्याय ओ जितेश रोकाया करले रहैं ।