कान्तिराज्य लक्ष्मी माविके ७१औं बार्षिकोत्सव

पहुरा समाचारदाता
पहलमानपुर, २० माघ । कैलालीके घोडाघोडी नगरपालिका–१० पहलमानपुरस्थित कान्तिराज्य लक्ष्मी माविके ७१औं बार्षिकोत्सव कार्यक्रम शुकके रोज सम्पन्न हुइल बा ।

सुदूरपश्चिम प्रदेशसभा सदस्य खुशीराम चौधरीके वडका पहुनामे हुइल कार्यक्रममे उहाँ गरिबी कारण विद्यार्थी विद्यालय छोरके विदेश जाई पर्ना बाध्यता रहल बटैलै । विशिष्ट पहुना घोडाघोडी नगरपालिकाके नगर प्रमुख खडकबहादुर रावत शिक्षा, स्वास्थ्यमे ध्यान डेहल बटैलै । शिक्षा शाखा प्रमुख उमेशराज रेग्मी विद्यालयके भौतिक पूर्वाधार निर्माणके लाग दातृ निकायके ध्यानाकर्षण करैना जरुरी रहल बटैलै ।

विद्यालयके सहायक प्रअ नारायण कार्कीके अध्यक्षतामे हुइल कार्यक्रममे शिक्षक उपेन्द्रराज जोशी आय व्यय ओ विद्यालयके प्रअ उमाकान्त मिश्र प्रतिवेदन प्रस्तुत करले रहिट । कार्यक्रमके संचालन शिक्षक नरबहादुर देउवा ओ स्वागत मन्तव्य शिक्षक अभिभावक संघके अध्यक्ष कलम तिमिल्सेना करले रहिट ।