लागु औषधसहित सात जाने पक्राउ

पहुरा समाचारदाता
घनगढी, २२ माघ । कैलालीमे लागु औषध सहित सात जाने पक्राउ परल बटै ।

कैलालीके टमान ठाउँसे लागु औषध ब्राउनसुगर सहित ७ जनहनहे प्रहरी पक्राउ करल हो । जिल्ला प्रहरी कार्यालय कैलाली, ईलाका प्रहरी कार्यालय भजनी, प्रहरी चौकी त्रिनगर कैलालीसे खटके गैल प्रहरी टोली धनगढी उपमहानगरपालिका २ त्रिनगर ब्यारेलसे धनगढी–१३ बैठना बर्ष २३ के सन्तोष रानाहे शंका लाग चेकजाच करेबेर हुकान थेनसे १ ग्राम ४३० मिलिग्राम ब्राउनसुगर, वडा–९ बैठना बङग्राकटानस्थित धनगढी–१० बैठना बर्ष ५० के रामनारायण रानाके थेनसे ४५० मिलिग्राम ब्राउनसुगर फेला पारके पक्राउ करल जिल्ला प्रहरी कार्यालय कैलाली जनैले बा ।

ओस्टेक करके वडा–२ राम जानकी टोलसे जिल्ला डोटी आदर्श गा.पा.२ घर रहल हाल धनगढी–२ रामजानकी टोलमे डेरा करके बैठना बर्ष १९ के आयुसा उपाध्याय ओ वडा–३ मिलन चोक बैठना बर्ष १५ के करिस्मा छेदालके थेनसे ६९० मिलि ग्राम (पलाष्टिक सहित) लागु औषध ब्राउन सुगर फेला पारल बा ।

भजनी न.पा.३ कुसुमघाट स्थित टिकापुर नगरपालिका ८ बटमपुर बैठना बर्ष २५ के आकाश चौधरीसे चलाइल से. ५ प २०८९ नम्बरके मोटरसाइएकल चेकजाँच कैना क्रममे उहे मोटरसाइकल पाछे सवार वडा नम्बर ७ दिव्यपुर बैठना बर्ष २९ के सिवास्नी चौधरीके साथसे ३०.५७ ग्राम लागु औषध खैरो हिरोईन जैसिन विल्गैना धुर पदार्थ फेला पारके प्रहरी टोलीसे पक्राउ करल हो ।

ओस्टेक करके कैलाली धनगढी उपमहानगरपालिका वडा नं ११ घोरसुवा बैठना बर्ष २६ के आशाराम चौधरी फुलवारीसे हसुलियाओर जैटी रहल अवस्थामे शंका लागके चेकजाँच कैना क्रममे हुकानथेनसे २३० मिलिग्राम लागु औषध ब्राउनसुगर ओ नगद रु १० हजार फेला पारके बरामद करके आवश्यक कारवाहीके लाग जिल्ला प्रहरी कार्यालय कैलाली पठाइल इलाका प्रहरी कार्यालय हसुलियाके प्रहरी प्रमुख रामसिंह बोहरा बटैलै ।

अबैंध भन्सार छलिका सामान बरामद

कैलाली जिल्ला धनगढी उप–महानगरपालिका वडा नं. २ ओ ३ सीमानाकास्थित टमान ठाउँसे शनिच्चर प्रहरी ६५ हजारके अबैंध भन्सार छलीके सामान बरामद करले बा ।

जिल्ला प्रहरी कार्यालय कैलाली, प्रहरी चौकी त्रिनगर ओ अस्थायी प्रहरी पोष्ट बसपार्कसे खटके गैल प्रहरी टोली चिनी, सुर्ति, गुट्का, प्लाष्टिक, कपडा, टिनालगायत सामान खटल प्रहरी गस्ती टोली भारतसे भन्सार छलि करके नानल बेवारीसे अवस्थामे फेला पारके नियन्त्रणमे लेहल हो । उ सामान आवश्यक कारबाहीके लाग कैलाली भन्सार कार्यालयमे पठाइल बा ।

ओस्टेक कञ्चनपुरमे शनिच्चर दुपहर ईलाका प्रहरी कार्यालय गडडाचौकीसे खटके गैल प्रहरी टोली जिल्ला कञ्चनपुर भिनदत्त न.पा.१० भुजेला पुल स्थित भन्सार छलि करके भारतसे नेपाल नानल करिब ३१ हजार २४० रुप्या बराबरके चिनी, दाल, खुर्सानी, गुड, पास्ता, बिष्कुट, मिश्री, मुखफली ओ तानसेन सुर्ती वेवारिसे अवस्थामे फेला पारके बरामद करके कारवाहीके लाग कञ्चनपुर भन्सार कार्यालय गडडाचौकीमे बुझाइल बा ।