लिटल फ्लावरके विजयी सुरुवात

पहुरा समाचारदाता
धनगढी, २२ माघ । लिटल फ्लावर बोर्डिङ हाइ स्कुलसे कैलालीके धनगढीमे जारी विद्यालय स्तरीय यु–१९ राष्ट्रिय टी–२० क्रिकेट प्रतियोगिता लिटल फ्लावर प्रिमियर लिग (एलपीएल) मे विजयी सुरुवात करले बा । कञ्चनपुरके होली फेमिलीइङ्लिस मिडियम स्कुल भीमदत्तनगरहे ७ विकेटसे पराजित करटी विजयी सुरुवात करल हो ।

धनगढी स्थित फाप्लाक्रिकेट मैदानमे टस जिटके ब्याटिङ कैना निर्णय करल होली फेमिली १७.७ ओभरमे १० विकेट गुमाके ५९ रन केल बनाई सेकल । ६० रनके विजयी लक्ष्य पछ्यइल लिटल फ्लावरसे ७.५ ओभरमे ३ विकेट गुमाके लक्ष्य भेटाइल । ओकर नरेन भट्टसे अविजित २४ ओ कप्तान विपिन रावलसे ११ रनके पारी खेल्लै । होली फेमिलीके लाग नेहाल दमाई, अरुन राना ओ विरेन बमसे १÷१ विकेट लेलै ।

ओकरपाछे पहिल इनिङमे होली फेमिलीहे सस्तामे समेट्न लिटल फ्लावरके सुबोध तिवारीसे २.५ ओभर बलिङ करटी ७ रन खर्च करके ३ विकेट लेलै । ओकर रोशन रावल, आशिस शाहु ओ अनुराग सिंहसे समान २÷२ विकेट लेलै । लिटल फ्लावरके बलर सामु होली फेमिलीके अरुन रानासे २२ ओ अभिषेक कार्कीसे १८ रन बनैना बाहेक औरके स्कोर सम्झन लायक नइरहल ।
खेलके प्लेयर अफदी म्याच लिटल फ्लावरके सुबोध तिवारी चुन्लै । उहाँ २ हजार नगदसहित ट्रफी प्राप्त करलै ।

लिटल फ्लावर स्पोर्ट्स एण्ड इभेन्ट्सके आयोजनामे फागुन ६ गतेसम सञ्चाल नइहुइना प्रतियोगितामे लिटल फ्लावरके बोर्डिङ हाई स्कुल धनगढी कैलाली, श्री होली फेमली इ. मिडियम स्कुल भीमदत्तनगर कञ्चनपुर, शारदा विद्या निकेतन धनगढी, सैनिक आवासीय महाविद्यालय तेघरी कैलाली, नवबाल वाटिका विद्यामन्दिर बौनियाँ कैलाली, भुवनेश्वरी विद्यामन्दिर गड्डाचौकी कञ्चनपुर, वेष्टन क्रिष्टल एकेडेमी धनगढी, गुराँस एकेडेमी अत्तरिया कैलाली, सत्यवती एकेडेमी अत्तरिया कैलाली ओ लोटस आइ इ. सेकेन्डरी स्कुल अत्तरिया सहभागी बटै ।

फागुन ६ गतेसम सञ्चाल नइहुइना प्रतियोगिताके विजेताहे २ लाख ५१ हजार १ सय ११ ओ उपविजेताहे १ लाख २५ हजार ५ सय २५ नगदसहित ट्रफी, मेडल ओ प्रमाण पत्रप्रदान कैना बा । प्रतियोगिताके सर्वोत्कृष्ट खेलाडीसे नगद २० हजार, उत्कृष्ट बलर ओ ब्याट्स म्यानसे १०÷१० हजार नगदसहित ट्रफी, मेडल ओ प्रमाण पत्रप्राप्त करही । ओस्टे उदयमान खेलाडीहे नगद ५ हजार प्रदान कैना आयोजकसे जनैले बा । प्रत्येक विद्यालयसे अपन टिममे ४ जाने १९ वर्ष टरेक खेलाडी समावेश करे पैही ।