मजगाउँमे माघ विशेष सांस्कृतिक कार्यक्रम

पहुरा समाचारदाता
धनगढी, २४ माघ । कैलालीके गोदावरी नगरपालिका मजगाउँमे गोदावरी नगर स्तरीय माघ विशेष सांस्कृतिक कार्यक्रम २०७९ हुइल बा ।

गोदावरी नगरस्तरीय बरघर भलमन्सा समिति ओ थारु कल्याण कारिणी सभा नगरस्तरीय समितिके आयोजनामे कार्यक्रम हुइल हो । कार्यक्रमके बर्का पहुनामे प्रतिनीधी सभा सदस्य बीरबहादुर बलायर रहल रहिट कलेसे खास पहुनामे प्रदेश सभा सदस्य तुलसा देवकोटा रहल रही ।

कार्यक्रमके पहुनामे गोदावरी नगरपालिकाके नगर उपप्रमुख शारदा रोकाया, थारु कल्याणकारिणी सभा कैलालीके कार्यबाहक सभापति माधव चौधरी, थारु विद्यार्थी समाजके केन्द्रिय उपाध्यक्ष ठाकुर करिया प्रधान लगायत रहल रहिट ।

कार्यक्रममे थारु परिकारके स्टलके साथे थारु गीतबास, सांस्कृतिक झाँकी प्रस्तुत करगिल रहे ।