सुदूरपश्चिम लोकसेवा आयोग मागल ९८ जाने कर्मचारी
पहुरा |
२६ माघ २०७९, बिहीबार
पहुरा समाचारदाता
धनगढी, २६ माघ । सुदूरपश्चिम प्रदेश लोक सेवा आयोग कार्यालयसे ९८ जाने कर्मचारी माग करले बा ।
प्रदेश लोक सेवा आयोगसे प्रदेश निजामती सेवा ओ स्थानीय सरकारी सेवा ओर सहायक चौथो तहके अप्राविधिक पदमे ९८ कर्मचारी माग करल हो । जौन मध्ये ५५ जाने खुला, १५ जाने महिला, १८ जाने आदिवासी जनजाती, ७ जाने मधेशी, २ जाने दलित ओ १ जाने थारु–रानाथारु समुहके लाग विज्ञापन आह्वान करले बाा ।
उक्त विज्ञापनके लाग फागुन १७ गतेसम आवेदन डेना म्याद तोकल बा । जेम्ने दोब्बर दस्तुर तिरके भर फागुन २४ गतेसम आवेदन डेहे सेकजैना बा । समावेशी समुहके लाग भर थप १५० तिरे पर्र्ना आयोगसे जारी करल सूचनामे उल्लेख रहल बा । आवेदक अनलाइनसे फारम भरे सेक्ना जनाइल बा ।
