घोडाघोडीमे एक घर, एक पोषण बगैँचा कार्यक्रम सुरु
पहुरा समाचारदाता
सुखड, १ फागुन । कैलालीके घोडाघोडी नगरपालिकामे एक घर, एक पोषण बगैँचा सम्बन्धी तालिम तथा सामग्री वितरण कार्यक्रम सम्पन्न हुइल बा ।
कृषि शाखाके आर्थिक वर्ष २०७९/०८० के वार्षिक स्वीकृत कार्यक्रम अन्तर्गत छनोट हुइल टिना कृषकहुकनहे एक घर, एक पोषण बगैँचा सम्बन्धी तालिम ओ सामग्री वितरण करल हो ।
तालिममे टिना खेती, टिना खेतीके लाग बेर्ना उत्पादन, नर्सरी ब्याड बनैना तरिका, फाइदा, तथा जैविक विषादी (झोल मल) बनैना बारेमे सिखाइल रहे । तालिममे सहभागीहुकनहे भिँडी, बोडी, खिरा, कबली, करैला, स्विस चार्ड, भाँटा, लौका, मकै, करिया प्लास्टिक ड्रम ओ हजारी निःशुल्क रूपमे उपलब्ध कराइल बा । एक कार्यक्रममे बिच घोडाघोडी नगरपालिकाका नगरप्रमुख खडकबहादुर रावत कृषकहुकनहे उ सामग्री हस्तान्तरण करल रहिट ।
सामग्री हस्तान्तरण करटी नगरप्रमुख रावतसे कृषकहुक्रे मौसमी तथा बेमौसमी टिना उत्पादन करके आर्थिक आयआर्जनमे बहुट टेवा पुग्न विश्वास लेले बटै । व्यवसायिक रुपमे टिना खेती करके फाइदा लेना उहाँ अनुरोध समेत करले बटै ।
राज्यसे डेहल सीप ओ सामग्री सही तरीकासे प्रयोग कैना कृषकहुक्रनहे उहाँ आग्रह करलै । पालिकाभिटरके १ से १२ वडाके करिब ८० जाने कृषकहुकनके सहभागिता रहल रहे ।
