अनुगमन समितिसे ग्राभेल डगरके अनुगमन

पहुरा समाचारदाता
हसुलिया, ४ फागुन । कैलालीके कैलारी गाउँपालिका स्तरीय अनुगमन समुहसे ग्राभेल डगरके अनुगमन कैगिल बा ।

गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी सहित प्राविधिक टोलीसे विफेक रोज वडा नम्बर ३ कैगिल ग्राभेल डगरके स्थलगत अनुगमन करल हो । गाउँपालिकाके आर्थिक सहयोगमे वडा नम्बर ३ के लालपुर ओ निमुवाबोझी गाउँक सडकमे डारगिल ग्राभेलके अनुगमन करल समिति संयोजक बटैली ।

योजना शाखाके प्रमुख सन्तोषकुमार चौधरी दुनु गाउँमे ३ सय ३८ ÷३ सय ५८ मिटर ग्राभेल कैगिल बटैलै । अनुगमनमे वडा नम्बरके वडा अध्यक्ष सन्तराम चौधरी पूर्वाधार विकास समिति संयोजक तथा वडा नम्बर ६ के अध्यक्ष प्रेमबहादुर चौधरी, समितिके सदस्य तथा वडा नम्बर ९ के अध्यक्ष खेमराज चौधरी, योजना शाखा प्रमुख सन्तोषकुमार चौधरी, सदस्य सुनिलादेवी चौधरी ओ प्राविधिक हिमाल कुश्मीलगागतके सहभागिता रहे ।