१५ लाख भारतीय रुप्या ओ गरगहनासहित ३ जाने पक्राउ

पहुरा समाचारदाता
धनगढी, ६ फागुन । नेपाल भारत सीमा क्षेत्रमे पर्ना पुनर्वास नगरपालिका–४ के आनन्द बजार लग्गेक कार्गिल डाँडासे १५ लाख २८ हजार भारतीय रुप्यासहित तीन जनहनहे पक्राउ परल बठै । सशस्त्र प्रहरीके गस्ती टोलीसे ओइनहे भारु रुप्या ओ गरगहनसमति पक्राउ करल हो ।

पक्राउ परुइयामे कैलालीके गोदावरी नगरपालिका–८ बैठना २९ वर्षीय अम्मर भुल, ३९ वर्षीय खड्कसिंह भुल ओ डडेल्धुराके आलिताल गाउँपालिका–४ बैठना २४ वर्षीय वीरेन्द्र सार्की रहल सशस्त्र प्रहरी बल नम्बर ३५ गण कञ्चनपुर जनैले बा ।
ओइनहे सशस्त्र प्रहरी बल नेपाल फवार्ड बेस कार्गिल डाँडाके गस्ती टोलीसे स्रोत नइखुलल भारतीय रुपैयाा ओ गरगहनासहित भेटाइल गणके सशस्त्र प्रहरी उपरीक्षक(एसपी) प्रेमबहादुर रावल जानकारी डेलै ।

उहाँक अनुसार ओइनके थेनसे चार थान सिक्री, चार ठो औंठी, तीन ठो बाला, १० ठो टप, एक ठो पाउजु, एक ठो वटन, एक ठो झुम्का, एक ठो मुरीमे लगैना गहना, एक ठो जन्तर ओ चार ठो मोबाइल समेत बरामद करल बा ।

बरामद करल नगद ओ गरगहनासहित ओइनहे आवश्यक कारबाहीके लाग जिल्ला प्रहरी कार्यालय कञ्चनपुरके जिम्मा लगाइल बा ।