बालबालिकाहुकन आयोडिन नोन सम्बन्धी सचेतना

पहुरा समाचारदाता
धनगढी, ७ फागुन । साल्टट्रेडिङ कर्पोरेसन क्षेत्रीय कार्यालय धनगढीसे स्कूले बालबालिकाहुकनहे आयोडिन नोन सम्बन्धी सचेतना कैगिल बा ।

फेब्रवरी महिनाहे आयोडिन नोन महिनाके रुपमे मनैटी रहल साल्टट्रेडिङसे धनगढीके तीन विद्यालयके ६० जाने बालबालिकाहुकन आयोडिन नोनके बारे जानकारी डेहल हो । मोर्डन ऐरा, पशुपति शिक्षा मन्दिर ओ डिलाइट इगालिङ बोडिङसे ६० जाने बालबालिकाहुकन आयोडिन नोन प्याकिङ कैना तरिका, आयोडिन मिलाइल नोन कैसिन रहनाबारे जानकारी डेहल साल्टट्रेडिङ कर्पोरेसन क्षेत्रीय कार्यालय धनगढीके प्रमुख तेज बहादुर कुवँर जानकारी डेलै ।

साल्टटेड्रिङ स्कूल एडभोकेशी हाट बजारमे माइकिङ, स्वास्थ्यचौकीमे प्रचार प्रसार, गर्भवती महिलाहुकन आयोडिन नोनबारे जानकारी डेना कार्यक्रम करटी रहल उहाँ जनैलै ।