रक्तदान महोत्सवमे ८१ जहनसे रक्तदान
पहुरा समाचारदाता
धनगढी, ७ फागुन । बैतडी समाज कैलालीसे प्रजान्तत्र दिवसके अवसरमे आयोजना करल ९ औं बृहत रक्तदान महोत्सवमे ८१ जाने रक्तदान करले बटै ।
गेटा आँखा अस्पताल, नवजीवन अस्पताल ओ समृद्धि डेन्टलके सहकार्यमे ‘रक्तदान करके पुण्य कमाई, स्वास्थ्य निःशुल्क जाँच करके स्वास्थ्य लाभ करी कना मूल नाराके साथ समाजसे ९औँ रक्तदान महोत्सव करल हो ।
बैतडी समाज कैलालीके आयोजना करल महोत्सव ८१ जाने रक्तदान करल कार्यक्रम संयोजक राजबहादुर चन्द बटैलै । महोत्सवमे दन्त रोगके लाग समृद्धि डेन्टलसे निःशुल्क परीक्षण एवम् परामर्श, नवजिवन अस्पताल प्रालीसे निःशुल्क स्वास्थ्य शिविर, निःशुल्क ओपिडी, सुगर निःशुल्क जाँच करल उहाँ बटैलै । कलेसे सुत्केरी सेवा तथा टमान जाँचमे विशेष छुटके व्यवस्था करके उपचार करल रहे । ओस्टेक गेटा आँखा अस्पतालसे निःशुल्क आँखी शिविर करल संयोजक चन्द बटैलै ।
समाजसे पहिल फेरा आयोजना करल रक्तदान कार्यक्रममे ७७ जाने, दुसरामे ८८ जाने, टिसरामे १ सय २२, चौठामे १ सय ३७, पाँचौँमे १ सय ७ जाने, छैटौँमे ७७ जाने, सातौँमे ७७ जाने, आठौँमे फेरामे ८५ ओ नवौं फेरामे ८१ जाने करके जम्मा ८ सय ५१ जाने हालसम रक्तदान करसेकल बटै ।
