चेम्बर अफ कमर्स घोडाघोडीके अध्यक्षमे मिश्र

पहुरा समाचारदाता
सुखड, ९ फागुन । चेम्बर अफ कमर्स घोडाघोडीके अध्यक्षमे प्रकाश मिश्र चयन हुइल बटैं ।

मंगरके रोज कैलालीके सुखडमे चेम्बर अफ कमर्सके जिल्ला अध्यक्ष बिनोद मल्लके उपस्थितिमे हुइल भेलासे मिश्रके अध्यक्षतामे ११ सदस्यीय नयाँ कार्यसमिति चयन हुइल हो ।

समितिके उपाध्यक्षमे मनोज सुनार ओ बलबहादुर बिष्ट, महासचिवमे पर्शुराम सापकोटा, सचिवमे धनबहादुर बडुवाल, कोषाध्यक्षमे रूपलाल चौधरी ओ सहकोषाध्यक्षमे उमाकुमारी खत्री चयन हुइल बटैं ।

अस्टेक, सदस्यमे चन्द्रप्रसाद आचार्य, बिनोद बुचामगर, महेन्द्र बोहरा ओ दीपबहादुर बिष्ट चयन हुइल जिल्ला अध्यक्ष बिनोद मल्ल जानकारी डेलैं ।