कैलालीमे ११औं फेरा हात्तीपाइले रोगके औषधी खवैना
पहुरा समाचारदाता
धनगढी, ९ फागुन । कैलालीमे १०औं चो हात्तीपाइले रोगके औषधी खवाईबेरफे लक्ष्य भेटाई नइसेकलपाछे यी बरसफेरसे यिहे फागु ११ गतेसे जिल्लाभर औषधी खवैना बा ।
सुदूरपश्चिम प्रदेशके सबसे ढेर जनसंख्या रहल कैलाली जिल्लाके ६५ प्रतिशतसे ६ बरस लगातार अनिवार्य औषधी सेवन नइकरल कारण लक्ष्य प्राप्त हुई नइसेकल हो । सुदूरपश्चिमके ९ जिल्ला मन्से आठ जिल्ला निवारण हुइलेसेफे कैलाली जिल्लाले मात्रै औषधी सेवनको लक्ष्य चुमे नइसेकल हो ।
औषधी सेवन अभियानके एघारौँ चरणमे पुगेबेरफे ४९ दशमलव ६७ प्रतिशतसे केल औषधी सेवन करले बटै । सरकारसे बर्षेनी औषधी सेवनके लाग करोडौँ बजेट खर्च कैना मने ओकर उपलब्धी नइविल्गैना ओरसे सरकारी निकायके कमजोरी डेखल नागरिक अगुवाहुक्रे औल्यइले बटै । सरकारसे लगानी करल अनुसार उपलब्धी हुइना करके सम्बन्धित निकायसे काम करे पर्नामे जोड डेहल बा ।
विगतमे ६ चो सम औषधी खैना अनिवार्य हुइलेसेफे हाल २ चो ८० प्रतिशतसे खैलेसे लक्ष्य पुग्न स्वास्थ्य कार्यालके हेल्थ असिस्टेन्ट मिनबहादुर धामी बटैलै । औषधी सेवन कइकरके कारण लक्ष्मे पुगे नइसेकल स्वास्थ्य कार्यालय कैलाली जनैले बा । औषधी नइखैलेसे कुछ नइहुई कना गलत मनसाय बोक्न प्रवृतिके कारण ११ चरणके औषधी सेवन अभियानमे पुगे परल स्वास्थ्य कार्यालय कैलालीके हेल्थ असिस्टेन्ट धामी बटैलै ।
दिनभरी मजदूरी कैना वर्ग, ओ ढेर जनुइया नइखइलसेफे कुछ नइहुई कना बर्गके कारण हम्रे लक्ष्यमे पुगे सेकल नइहुई,’ धामी कहलै, ‘यी बारके औषधी सेवन अभियानमे सक्कु जाने सरिक हुइलेसे हम्रे लक्ष्यमे पुग्न रही, फागुन ११ गते हम्रे जिल्ला समन्वय समितिके प्रागंणमे हात्तीपाइले रोग विरुद्धके औषधी खवैना अभियान सुरु करटी । यी अभियानमे सक्कु जाने सहयोग करही ओ यी बर्ष हम्रे लक्ष्यमे पुग्बी कना आशा लेहल बटी ।’
गर्भवती महिला, ७ दिन भिटरके सुत्केरी, २ बर्ष टरेक बालबालिका, सिकिस्त बिरामी बाहेकसे हात्तीपाइले विरुद्धके औषधी खाई मिल्ना सेती प्रादेशिक अस्पतालके सेवन करे मिल्ना फिजिशियन डा.शेर बहादूर कमर बटैलै । कुछ बिरामी हुइल कारण लक्ष्यमे पुगे नइसेक्लेसेफे औषधी सेवन नइकरल कारण लक्ष्य प्राप्त हुई नइसेकल उहाँ बटैठै ।
सक्कु जाने औषधी सेवन करलेसे पक्के यि बर्ष लक्ष्य प्राप्त करे सेक्नाफे उहाँक कहाई बा । हात्तीपाइलेके किटाणुँ शरिरमे रहल ब्यक्तिहे ठोरिक समस्या विल्गाई सेकठ यिहीसे स्वास्थ्यमे कौनो असर नइकैना हुइल ओरसे ढुक्क हुके खैर्ना सेती प्रादेशिक अस्पतालका फिजिशियन डा. कमर बटैलै ।
