९ किलो चरेससहित तीन जाने पक्राउ

पहुरा समाचचारदाता
धनगढी, १० फागुन । कैलालीके धनगढीसे सशस्त्र प्रहरी ९ किलोग्राम चरेससहित तीन जनहनहे पक्राउ करले बा ।

पक्राउ परुइयामे रोल्पा जिल्लाके थवाङ गाँउपालिका–५ बैठना ४४ वर्षीय कुमार पुन, दाङ जिल्लाके लालमोटिया गाँउपालिका–१ बैठना ३९ वर्षीया पुनम पुन ओ ४१ वर्षीया दिलमाया पुन रहल सशस्त्र प्रहरीके डीएसपी एवम् सहायक प्रवक्ता शैलेन्द्र थापा जानकारी डेलै ।

धनगढी उपमहानगरपालिका १४ एचगाँउ स्याउसे घाटस्थित सीमा ईलाकासे सशस्त्र प्रहरी बल नेपाल बीओपी फुलवारीसे ओइनहे पक्राउ करल हो ।

नेपालसे भारतओर जैटी रहल ओइनहे सशस्त्र प्रहरीसे शंका लागके जाँज करेबेर ओइनके ठेनसे ९ किलो चरेस फेला परल रहे ।
ओइनहे बरामद चरेससहित आवश्यक कारबाहीके लाग जिल्ला प्रहरी कार्यालय धनगढीमे बुझाइल डीएसपी थापा बटैलै ।