कैलालीमे हात्तीपाइले रोगके औषधी खवैना सुरु

पहुरा समाचारदाता
धनगढी, ११ फागुन । कैलालीमे ११औं चो हात्तीपाइले रोगके औषधी खवैना कार्यक्रम सुरु हुइल बा ।

दशौं पटकफे औषधी खवाईबेरफे लक्ष्य प्राप्त हुई नइसेकलपाछे अशौफे हात्तीपाइले रोग विरुद्धके औषधी खवैटी रहल स्वास्थ्य कार्यालयके प्रमुख लालबहादुर धामी बटैलै । प्रमुख जिल्ला अधिकारी युवराज कटेल, जिल्ला समन्वय समिति कैलालीके कार्यवाहक सभापति खगराज भुषालहे औषधी खवाके अभियान सुरुवाट कैगिल हो सुदूरपश्चिम प्रदेशके सबसे ढेर जनसंख्या रहल कैलाली जिल्लाके ६५ प्रतिशतसे ६ बरस लगातार अनिवार्य औषधी सेवन नइकरल कारण लक्ष्य प्राप्त हुई नइसेकल हो ।

सुदूरपश्चिमके ९ जिल्ला मन्से आठ जिल्ला निवारण हुइलेसेफे कैलाली जिल्लाले मात्रै औषधी सेवनको लक्ष्य चुमे नइसेकल हो ।
गर्भवती महिला, ७ दिन भिटरके सुत्केरी, २ बर्ष टरेक बालबालिका, सिकिस्त बिरामी बाहेकसे हात्तीपाइले विरुद्धके औषधी खाई स्वास्थ्य कार्यालयके प्रमुख धामी बटैलै ।