मिल्सबेरीके बार्षिकोत्सवमे रक्तदान

पहुरा समाचारदातो
धनगढी, १२ फागुन । मिल्सबेरी मन्टेश्वरी स्कुलसे अपन बार्षिकोत्सव रक्तदान सहितके विविध कार्यक्रम सहित मनैले बा । दशौ बार्षिकोत्सके अवसरमे आयोजित रक्तदान कार्यक्रममे २७ जाने रक्तदान करले बटै ।

बार्षिकोत्सव कार्यक्रममे विद्यार्थीहुक्रे सांगितिक प्रस्तुती, नृत्य, नाटक आदि प्रस्तुत करले रहिट । विद्यालयके संचालक सुजित शर्माके अध्यक्षतामे हुइल उ कार्यक्रममे धनगढी उप महानगरपालिकाके शिक्षा, युवा खेलकुद महाशाखा प्रमुख नरेन्द्र बहादुर खाती, पुर्व नगर प्रमुख खेमराज पाण्डे, ऐश्वर्य बहुमुखी क्याम्पसके क्याम्पस प्रमुख धर्मदेव भट्ट, कैलाली उद्योग वाणिज्य संघके सल्लाहकार शिवराज फुलारा, नेपाल उद्योग वाणिज्य महासंघ सुदुरपश्चिम प्रदेशका कार्यकारी निर्देशक ज्योति भट्ट, नवजीवन सहकारी संस्था लिमिटेडके संचालक समिति सदस्य तथा बाल संगठन कैलालीके उपाध्यक्ष गोपाल पाठक, धनगढी जेसिसके अध्यक्ष मोहन ओझा, धनगढी पोष्ट दैनिकके सम्पादक कर्ण शाह, सेती प्रादेशिक अस्पतालके पुर्ब अध्यक्ष दुर्गा जोशी लगायतके सहभागिता रहल रहे ।

उ अवसरमे किसनसिंह टेर ओ दिपक उपाध्यायहे सम्मान करल रहे ।