कैलारी गाउँपालिकासे खेलाडी विदाई कार्यक्रम

पहुरा समाचारदाता
हसुलिया, १४ फागुन । कैलारी गाउँपालिकासे खेलाडी विदाई कार्यक्रम करले बा ।

यिहे फागुन १५ गतेसे धनगढी आयोजना हुई लागल १३औं जिल्ला स्तरीय राष्ट्रपति रनिङ शिल्ड प्रतियोगिता २०७९ मे सहभागी हुई जैटी रहल खेलाडीहुकनके गाउँपालिकाके अध्यक्ष राजसमझ चौधरी ओ गाउँ पालिकाके प्रवक्ता दिपेन्द्रबहादुर बम विदाईके शुभकामना डेले बटै ।

खेलाडीहुकनहे विदाई करटी गाउँपालिका अध्यक्ष खेलाडीहुकनके सहयोग कैनामे कौनो कमी नइरख्ना बटैलै । जिल्ला स्तरीय राष्ट्रपति रनिङ शिल्ड प्रतियोगितामे कैलारी गाउँपालिका नाउँ रख्ना कहटी उहाँ शुभकामनाफे व्यक्त करले बटै । कैलारी गाउँपालिकासे दिपेन्द्र माविके प्रअ विनोद भट्टराईके नेतृत्वमे खेलाडीहुक्रे खेलकुडमे सहभागी हुइल बटै ।