न्यायिक समितिके अधिकार क्षेत्र चुनौती ओ प्रभावकारिता विषयक अन्तरक्रिया

पहुरा समाचारदाता
हसुलिया, १५ फागुन । न्यायिक समितिके अधिकार क्षेत्र चुनौती ओ प्रभावकारिता विषयक अन्तरक्रिया सोम्मारके रोज हसुलियामे हुइल बा ।

कैलारी गाउँपालिकाके आयोजनामे नेपाल कानून समाज÷नागरिक संवाद केन्द धनगढीके सहकार्यमे गाउँपालिका उपाध्यक्ष भगवतीकुमारी चौधरीके अध्यक्षतामे कार्यक्रम हुइल हो । कार्यक्रममे बोल्टी उहाँ न्यायिक समितिमे ढेर मुद्दा परलसेफे अधिकार क्षेत्रभिटरके मुद्दा केल हेरे मिल्ना बटैली ।

न्यायिक समितिमे आइल टमान मेरिक मुद्दामे फैसला विवाद मिलाई चुनौतीके सामानाफे करे परल उहाँ बटैली । न्यायिक समितिमे दर्ता हुइल मुद्दामे दुनु पक्ष संग्गे उपस्थित नइहुइल कारण कबु कबु प्रहरीके सहयोगफे लेहे पर्ना अवस्था आइल उहाँ अनुभव सुनैली । गाउँघरमे मेलमिलापकर्ताफे मुद्दामे छिनोफानो करटी रहल मने कतिपय कानून सम्बन्धी ज्ञान नइफे हुइसेक्ना ओरसे पुर्नताजकी तालिमके आवश्यक रहलफे उपाध्यक्ष बटैली ।

कार्यक्रममे नेपाल कानून समाज÷नागरिक संवाद केन्द धनगढीके नरेन्द्रबहादुर शाह सहजीकरण करले रहिट । न्यायिक समितिसे हेर्ना अधिकार (मुलुकी देवानी संहिता २०७४ भिटर रहल व्यवस्था) स्थानीय न्यायिक समिति सम्बन्धी सवैधानिक व्यवस्था, संघियता ओ न्यायिक समितिके संरचनाके अन्तरसम्बन्ध, न्यायिक कार्यसमितिके प्रकृति जानकारी डेहल रहिट ।
ओस्टेक करके न्यायिक समिति सम्बन्धी कानूनी व्यवस्था, न्यायिक समितिके अधिकार क्षेत्र, न्याय सहजीकरणके अधिकार, एक बर्षसम कैद हुई सेक्ना फौजदारीके विवाद, बालबालिका सम्बन्धी ऐन २०७५ के दफा ६४, अनिवार्य शिक्षा तथा निःशुल्क शिक्षा सम्बन्धी ऐन २०७५ के दफा ३२, सामाजिक सुरक्षा ऐन २०७५ के दफा २३ बारे जानकारी डेहल रहिट ।

ओस्टेक करके सहजीकरण करटी उहाँ न्यायिक समितिसे अधिकार क्षेत्र प्रयोग कैना विधि, मुद्दा कार्वाहीके कार्यविधि, उजुरी दर्ता ओ कारवाहीके प्रक्रिया, विपक्षीके नाममे म्याद जारी कैना ओ तामेल करैना कार्यविधि, विपक्षीके प्रतिउत्तर पत्रदर्ता ओ कार्वाही, प्रमाणपत्र बुझना प्रक्रिया, लिखितच प्रमाण परिक्षण, साक्षी परीक्षण, न्यायिक समितिसे कैना अन्तरकालिन आदेश स्वरुप, फैसला, फैसलाके लेखन, फैसला ओ मिलापत्रके कार्यान्वयन, फैसला कार्यान्वयन अन्र्तगत कैना कार्य ओ विगो भरैना(दफा–२४२) बारे जानकारी ओ सहजीकरण कैगिल रहे ।

कार्यक्रममे न्यायिक समितिके सदस्य, वडा अध्यक्षुक्रे, कार्यपालिका सदस्य, मेलमिलापकर्ताहुकनके सहभागिता रहे । कार्यक्रममे संचालन नेपाल कानून समाज÷नागरिक संवाद केन्द धनगढीके कार्यक्रम अधिकृत रेणुप्रधान श्रेष्ठ करले रहिट ।