त्रिशक्ति सामुदायिक वनके दुसरा बार्षिक साधारणसभा
पहुरा समाचारदाता
पहलमानपुर, १५ फागुन । कैलालीके घोडाघोडी नगरपालिका–११ टप्पा कैलालीमे रहल त्रिशक्ति सामुदायिक वन उपभोक्ता समुहके दुसरा बार्षिक साधारणसभा तथा सार्वजनिक सुनुवाई कार्यक्रम सोम्मारके रोज निम्जल बा ।
उ वन समुहके अध्यक्ष फागुराम कठरियाके अध्यक्षतामे हुइल कार्यक्रमके वडका पहुना सव डिभिजन वन कार्यालय सुखडके प्राविधिक जुगराम चौधरी ओ विशिष्ट पहुना वन रक्षक गोकुल थापा रहल रहिट । त्रिशक्ति सामुदायिक वन उपभोक्ता समुहके आयव्यय प्रस्तुत फागुराम कठरिया करले रहिट ।
कार्यक्रममे टप्पा गाउँक पुरान भल्मन्सा मन्तव्य व्यक्त करले रहिट । कार्यक्रमके संचालन संचारकर्मी जीवन चौधरी ओ स्वागत मन्तव्य पुरान अध्यक्ष रामबहादुर कठरिया करले रहिट ।
ओस्टेक करके बार्षिक साधारणसभासे फागुराम कठरियाके अध्यक्षतामे लौवा कार्यसमिति चयन कैगिल बा । समितिके उपाध्यक्ष, सचिव, कोषाध्यक्ष ओ सहसचिवमे क्रमश हसिना कठरिया, प्रतिमा कठरिया, तारादेवी कठरिया ओ शिवकुमार कठरिया रहल बटै ।
ओस्टेक करके सदस्यमे आशादेवी कठरिया, मिनामति कठरिया, राजेश कठरिया, मालिकराम कठरिया, रामभजन कठरिया रहल बटै । ओस्टेक करके धनश्याम कठरियाके संयोजकत्वमे सल्लाहकार समिति चयन हुइल बा । जेकर सदस्यमे फुलमति कठरिया, खिडिया कठरिया, नन्दराम कठरिया ओ मनिषा कठरिया रहल बटै । ओस्टेक निरङ कठरियाके संयोजकत्वमे अनुगमन समितिफे चयन कैगिल बा । जेकर सदस्यमे जगनु कठरिया, गभु कठरिया, सुनिता कठरिया ओ शारदा कठरिया रहल बटै ।
त्रिशक्ति सामुदायिक वन उपभोक्ता समुहके लेखा समिति संयोजकमे कुन्डनसिंह कठरिया रहल बटै । जेकर सदस्यमे रामबहादुर कठरिया, करिस्मा कठरिया, आशादेवी कठरिया, रामकुमार कठरिया रहल बटै ।
चोरी शिकारी नियन्त्रण समितिके संयोजकमे राजेन्द्र कठरिया रहल बटै । ओस्टेक करके सदस्यमे भुताही चौधरी, नविन कठरिया, हेमराज कठरिया, सुन्दरकली कठरिया, सिमा कठरिया, बविता कठरिया, निरपति कठरिया ओ रामप्रसाद कठरिया रहल बटै ।
