रक्तदान ओ विमारीनहे फलफूल वितरण

पहुरा समाचारदाता
धनगढी, १७ फागुन । नवजीवन अस्पताल प्रालि अपन १७ औं बार्षिकोत्सवके अवसरमे वृहत रक्तदान ओ विमारीहुकनहे फलफूल कैगिल बा ।

बार्षिकोत्सवके अवसरमे अस्पतालके एमडी चक्र खडायत, मेडिकल डाइरेक्टर डा. विदुरमणि ढकाल लगायत अस्पतालके कर्मचारी, नर्सिङके विद्यार्थीनसे रक्तदान करले बटै । कलेसे अस्पतालमे उपचार करैटी विमारीहुकनहे फलफूलफे वितरण कैगिल बा ।

२०६२ साल फागुन १७ गते १५ शैयाके अस्पतालके स्वीकृती लेके संचालन करटी आइल यी नवजीवन अस्पताल सुदूरपश्चिम प्रदेशके निजीस्तरके लगानीसे संचालित पहिल नीजि अस्पताल हो । यी अस्पताल नीजि लगानीमे संचालन हुइलेसेफे सामाजिक उत्तरदायित्व अनुरुप अपने पहलमे ओ नेपाल सरकारसंगके सहकार्यमे बेला बखत छोट भारी करके स्थापना कालसे निःशुल्क स्वास्थ्य शिविर संचालन करटी बा । अस्पतालसे नेपाल सरकारसंग हातेमालो करटी आमासुरक्षा कार्यक्रम, खोप कार्यक्रम, क्षयरोगके विरामीके निःशुल्क औषधी वितरण कार्यक्रम, स्वास्थ्य विमा कार्यक्रम समेत संचालनमा करटी एमडी खडायत बटैलै ।

यी अस्पताल २०६८ सालसे स्वास्थ्य सेवा विभाग काठमाडांैसे ५० शैयाके संचालन स्वीकृती लेके संचालनमे रहलमे यिहे आर्थिक बर्षसे १०० शैयामे स्तरोन्नती करले बा ।

यी अस्पतालसे विगतके दिनमे कोरोना संक्रमणके बेला नेपाल सरकार संग हातेमालो करटी अपन श्रोत ओ साधनसे भ्याइटसम कोरोना महामारी नियन्त्रणमे भरपुर प्रयास करल रहे । उ समयमे टड्कारो रुपमे डेखा परल अक्सिजन अभावके समस्याहे ह्दयंगम करटी यी अस्पतालसे अपने लगानीमे अस्पताल प्राङणमे अक्सिजन प्लान्ट समेत स्थापना करसेकल बा । यी अस्पतालसे अस्पतालजन्य सेवाके अलावा टमान शैक्षिक कार्यक्रम समेत संचालन नानल ओ यी अस्पतालसे यिहे बर्षसे ४० जाने विद्यार्थीहे पि.सि. एल. नर्सिङ अध्ययन कैना अनुमती प्राप्त करल मेडिकल डाइरेक्टर डा. विदुरमणि ढकाल बटैलै ।

आर्थिक बर्ष २०७८ फागुनसे २०७९ माघ महिनासम यी अस्पताल इमरजेन्सीसे ५ हजार ८९८ जाने विमारी सेवा पैले बटै । बहिरंगसे सेवा पाइल विरामी संख्या २८ हजार ६५७, कुल शल्यक्रिया करल विरामीके संख्या ३ हजार ५६, प्याथालोजी (ल्याब परिक्षण) सेवा पाइल विरामीके संख्या ३६ हजार ५५३, जम्मा भर्ना हुइल इन्डोर (अन्तरंगमे) १२ हजार ५५२, विरामी भर्ना हुके बैठल संख्या ३९ हजार ७३९, फि हेल्थ सर्भिस ओ टमान ठाउँमे क्याम्पसे सेवा पाइल विरामीके संख्या ५ हजार ४११, निःशुल्क सुत्केरी सेवा लेहल विरामी संख्या १ हजार १६५ ओ निःशुल्क खोप सेवा लेहल बालबालिकाके संख्या १ हजार ८११ जाने रहल अस्पताल जनैले बा ।