योजना उपभोक्ता समितिके पदाधिकारीनहे अभिमुखीकरण

पहुरा समाचारदाता
हसुलिया, १९ फागुन । कैलारी गाउँपालिकाके आयोजनामे योजना उपभोक्ता समितिके पदाधिकारीनहे योजना कार्यान्वयन सम्बन्धी एक दिने अभिमुखीकरण तालिम डेहल बा ।

वडा नम्बर ४ संचालन हुइल तालिममे कैलारी गाउँपालिकाके सामाजिक विकास शाखा प्रमुख यगम कलेल, योजना शाखा प्रमुख सन्तोषकुमार चौधरी ओ असिस्टेन्ट सव इन्जनियर हिमाल कुश्मी सहजीकरण करल रहिट । कार्यक्रममे उपभोक्ता समितिके काम कर्तव्य अधिकार, आवश्यक कागजात, करकट्टी, सार्वजनिक सुनुवाई, अनुगमन, बजेट विनियोजन प्रक्रिया, संचालनबारे जानकारी डेहल बा ।

ओस्टेक योजना उपभोक्ता समितिके पदाधिकारीनहे हाल हाली योजनाके काम कैना निर्देशनफे डेहल बा । वडा अध्यक्ष ठागुराम चौधरीके अध्यक्षतामे हुइल तालिमके समापन वडा सदस्य मोहनलाल चौधरी, लक्ष्मी चौधरी, वडा सचिव श्रीप्रसाद चौधरी, उपभोक्ता समितिके पदाधिकारीहुकनके उपस्थिति रहल रहे ।