कैलारी–२ मे प्रारम्भिक बाल सिकाई ओ स्तनपान कक्षके उदघाटन

पहुरा समाचारदाता
हसुलिया, २१ फागुन । कैलालीके कैलारी गाउँपालिका वडा नम्बर २ मे प्रारम्भिक बाल सिकाई ओ स्तनपान कक्षके उदघाटन कैगिल बा ।

कैलारी गाउँपालिकाके अध्यक्ष राजसमझ चौधरीके वडका पहुना ओ गाउँपालिका उपाध्यक्ष भगवतीकुमारी चौधरीके विशिष्ट पहुनामे प्रारम्भिक बाल सिकाई ओ स्तनपान कक्षके उदघाटन कैगिल हो । कैलारी गाउँपालिका महिला तथा बालबालिका शाखा, सेतो गुराँस राष्ट्रिय बालविकास केन्द्रके समन्वयमे वडा नम्बर २ के कार्यालयके आर्थिक सहयोगमे पहिल चो प्रारम्भिक बाल सिकाई ओ स्तनपान कक्षके संचालनमे नानल हो । कार्यक्रममे बोल्टी वडका पहुना ओ विशिष्ट पहुना यी कार्य सह्रनिय रहल कहटी पालिका, स्वास्थ्य संस्था ओ वडा कार्यालयमे सुरुवाट कैना बटैलै ।

कार्यक्रममे कैलारी गाउँपालिका महिला तथा बालबालिका शाखा प्रमुख बालकुमारी चौधरी कार्यक्रमके बारे जानकारी डेहल रहिट । वडा नम्बर २ के वडा अध्यक्ष विकास चौधरीके अध्यक्षतामे हुइल कार्यक्रममे वडा सदस्य टीका चौधरी भुल स्वागत ओ वडा सचिव हिरा ठकुल्ला करल रहिट । कार्यक्रममे सेतो गुराँस राष्ट्रिय बालविकास केन्द्र कैलारी गाउँपालिका संयोजक सुरज परियार, वडा सदस्य, महिला स्वय सेविकाहुकनके सहभागिता रहे ।