होरी विशेष सांस्कृतिक कार्यक्रम २०७९

पहुरा समाचारदाता
हसुलिया, २२ फागुन । कैलालीके कैलारी गाउँपालिकास्थित हसुलियामे होरी विशेष सांस्कृतिक कार्यक्रम हुइल बा ।

कैलारी गाउँपालिकाके आर्थिक सहयोगमे नेपाल सांस्कृतिक संघ कैलारी गाउँपालिकाके आयोजना तथा पूर्णगिरी यूवा क्लवके सह आयोजनामे हुइल कार्यक्रममे प्रमुख अतिथि कैलारी गाउँपालिका अध्यक्ष राजसमझ चौधरी, विशिष्ट पहुना कैलारी गाउँपालिकाके उपाध्यक्ष भगवतीकुमारी चौधरी, नेपाली काँग्रेस कैलालीके सभापति नारायणदत्त भट्ट, उपसभापति खेम चौधरी, सचिव केशव मिश्र, थारु कल्याणकारिणी सभाके केन्द्रीय सदस्य रामचरण चौधरी, नेपाली काँग्रेसके महासमिति सदस्य मनिराम बखरिया, वडा नम्बर ३ वडा अध्यक्ष सन्तराम चौधरी, वडा नम्बर ४ के अध्यक्ष ठागुराम चौधरी लगायत मन्तव्य व्यक्त करल ।

सांस्कृृतिक कार्यक्रममे कैलारी गाउँपालिका वडाके सास्कृतिक झाँकी, थारु आधुनिक नाँच, एक थारु डान्स, सजना, मागर, गित प्रस्तुतीकरण कैगिल रहे ।

नेपाल सांस्कृतिक संघ कैलाली कैलारी गाउँपालिकाके अध्यक्ष विरु चौधरीके अध्यक्षतामे हुइल बा । कार्यक्रममे थारु कलाकार, भल्मन्सा, यूवा क्लव, बुद्धिजीवीहुकनके सहभागिता रहल बा । कार्यक्रममे सामुहिक होलीफे खेलगिल बा ।