नुक्लीपुर होमस्टेहे घरबास तालिम

पहुरा समाचारदाता
मसुरिया, २५ फागुन । कैलाली जिल्ला गौरीगंगा नगरपालिका वडा नम्बर १० नुक्लिपुर सामुदायिक होमस्टेहे चार दिने होमस्टे (घरवास)पर्यटन विकास सम्बन्धी आधारभुत तालिम सुरु हुइल बा ।

संस्कृति पर्यटन तथा नागरिक उडडयन मन्त्रालय तारा गाउँ विकास समिति काठमाडौके सहयोगमे हुइल तालिम होमस्टेके अध्यक्ष दिनेश दहितके अध्यक्षतामे ओ सामुदायिक वन समन्वय समितिके अध्यक्ष ओम प्रकाश सापकोटा उदघाटन करल रहिट ।

कार्यक्रममे उदासीपुर सवडिभिजन वन कार्यालयके प्रमुख गोपीकृष्ण जोशी, पुर्व वडा अध्यक्ष पदमबहादुर ऐर, वडा सदस्य तिलाराम चौधरी लगायतसे शुभकामना मन्तव्य डेहल रहिट । कार्यक्रमके बारेमे सहजीकरण तारा गाउँ विकास समितिके घनश्याम ढकाल ओ विजय अधिकारी करटी रहल बटै ।

कार्यक्रममे नुक्लिपुरके ३० जाने तालिममे सहभागी बटै । तालिम उदघाटन कार्यक्रम गाउँके भल्मन्सा हिगुराम चौधरी संचालन करले रहिट कलेसे स्वागत मन्तव्य राजकुमार चौधरी करले रहिट । उदघाटन कार्यक्रममे मनोरन्जन प्रदान करेक लाग महालोक गायक मनिराम चौधरी विशेष प्रस्तुति डेखले रहिट ।