कैलाली कञ्चनपुरमे खखेहरा पर्वमे सार्वजनिक विदा

पहुरा समाचारदाता
धनगढी, २८ फागुन । कैलाली कञ्चनपुरमे बसोबास करुइया रानाथारु ओ कठरियाथारुके खखेहरा पर्वमे सार्वजनिक विदा डेना प्रदेश सरकार निर्णय करले बा ।

यिहे चैत १ गते पर्ना खखेहरा पर्वके लाग रानाथारु ओ कठरियाथारु समुदायसे सार्वजनिक विदाके माग करल रहिट । २०७९ बैशाख १ गतेके प्रदेश राजपत्रमे प्रकाशित यी बरसके विदा सम्बन्धी सूचना अनुसार खखेहरा पर्वके विदा चैत १ गते कायम करलमे ओकर मिति संशोधन करके चैत १ गतेके सट्टा फागुन ३० गते विदा सारल सुदूरपश्चिम प्रदेश सरकारके आन्तरिक मामिला तथा कानून मन्त्रालयके प्रवक्ता विष्णुदत्त अवस्थी जनैलै ।

कैलाली ओ कञ्चनपुरमे बसोबास रानाथारु ओ कठरियाथारु समुदायसे यी पर्व मनैटी आइल ओरसे दुई जिल्लामे विदा डेना प्रदेश सरकार मन्त्री परिषदके आज (अँटवारके) निर्णय करल प्रवक्त अवस्थी बटैलै ।