उपराष्ट्रपतिमे रामसहाय यादव निर्वाचित
काठमाडौं, ३ चैत । उपराष्ट्रपतिमे रामसहाय प्रसाद यादव निर्वाचित हुइल बटै । शुकके हुइल निर्वाचनमे जनता समाजवादी पार्टी (जसपा)के उम्मेदवार यादव ३० हजार ३२८ मतभारके साथ उपराष्ट्रपति निर्वाचित हुइल हुइट ।
कांग्रेस, माओवादी केन्द्र, एकीकृत समाजवादी लगायतके दलके समर्थन पाइल उहाँहे ३२९ प्रदेशसभा सदस्य ओ १८४ संघीय सांसदसे मत डेहल रहिट ।
एमाले उम्मेदवार अष्टलक्ष्मी शाक्यहे १६९ प्रदेशसभा सदस्य ओ १०४ संघीय सांसदसे मत डेहल रहिट । जनमत पार्टीके उम्मेदवार ममता झा हे १५ प्रदेशसभा सदस्य ओ २३ संघीय सांसदसे मत डेलै । उम्मेदवारी फिर्ताके घोषणा करल प्रमिला यादवसे एक प्रदेशसभा सदस्यके मत पैली ।
उपराष्ट्रपति निर्वाचनमे संघके ३३३ संघीय सांसद ओ ५५० प्रदेशसभा सदस्य मतदाता बटै । ओ संघीय सांसदके मतभार ७९ ओ प्रदेशसभा सदस्यके मतभार ४८ बा ।
जौन अनुसार रामसहाय प्रसाद यादवसे कुल ३० हजार ३२८ ओ अष्टलक्ष्मी शाक्यसे १६ हजार ३२८ मत भार पैली । ममता झासे २ हजार ५३७ ओ प्रमिला यादवसे ४८ मतभार पैले बटी ।
