कैलाली हार्डवेयर व्यवसायी संघके ११औं वार्षिक साधारणसभा
पहुरा समाचारदाता
धनगढी,११ चैत । कैलाली हार्डवेयर संघके ११औं वार्षिक साधारणसभा शनिच्चरके रोज धनगढीमे निम्जल बा ।
संघके वार्षिक साधारणसभाके उदघाटन कार्यक्रमके वडका पहुना सुदूरपश्चिम प्रदेशसभा सदस्य रमेश धामी ओ विशिष्ट पहुना धनगढी उपमहानगरपालिकाके नगर प्रमुख गोपाल हमाल रहल रहिट । उदघाटन कार्यक्रममे बोल्टी वडका पहुना प्रदेशसभा सदस्य धामी अब्बे मुलुकमे आर्थिक मन्दीके कारण सक्कु क्षेत्र प्रभावित हुइल बा । बैंकके चर्को व्याजके कारण व्यवसायी मारमे परल उहाँ बटैलै ।
कार्यक्रममे धनगढी उपमहानगरपालिकाके नगर प्रमुख गोपाल हमाल, आन्तरिक राजश्व कार्यालयके प्रमुख गौरीशंकर उपाध्याय, कैलाली हार्डवेयर संघके पूर्व अध्यक्ष तथा आन्तरिक पर्यटन पुनस्र्थापना समिति सुदूरपश्चिम प्रदेश संयोजक माया प्रकाश भट्ट, कैलाली वितरक संघके अध्यक्ष सिद्धराज पनेरुलगायत मन्तव्य व्यक्त करल रहिट ।
वार्षिकोत्सवके अवसरमे संघसे तारा चन्द, विरबहादुर पौडेल ओ केशवराज आचार्यहे सम्मान करले बा ।
कैलाली हार्डवेयर संघके अध्यक्ष कुबेरबहादुर शाहीके अध्यक्षतामे हुइल कार्यक्रममे स्वागत मन्तव्य वरिष्ठ उपाध्यक्ष रन्जनकुमार शर्मा ओ संचालन महासचिव इश्वर गिरी करले रहिट । साधारणसभा पाँच ठो प्रस्तावफे पेश कैगिल बा ।
