नवजीवन अस्पतालमे सिटी स्क्यान सेवा सुरु

पहुरा समाचारदाता
धनगढी, १३ चैत । धनगढीस्थित नवजीवन अस्पताल प्रालिमे सिटी स्क्यान सेवा सुरु करल बा ।

नवजीवन अस्पतालसे एकपाछे दुसर करटी सोम्मारसे सिटी उच्च स्तरीय प्रबिधिके हाई क्वालीटीके सिटी स्क्यान सेवा सुरु करल जनैले बा । अस्पतालके सिइओ चक्र खडायत आजसे हाई क्वालीटीके उ सेवा सुभारम्भ हुइल जनैले बटै ।

यी आघे अस्पतालसे कुछ दिनमे इमरजेन्सी फाँटसे सिटीस्क्यान जडान करके सेवा प्रदान कैना जानकारी डेहल रहे । नवजिवन अस्पताल २०६८ सालसे स्वास्थ्य विभाग काठमाण्डौँसे ५० शैय्याके संचालन स्वीकृती लेके संचालनमे रहलमे यिहे आर्थिक बर्षसे १०० शैय्यामे स्तरोउन्नती करल बा । अक्सिजन अभावहे मध्यनजर रख्टी दिर्घकालीन रुपमे अक्सीजन प्लान्ट सञ्चालनमे नानल बा । अस्पतालसे वरिष्ठ हाड जोर्नी तथा नसा रोग विशेषज्ञ प्रत्येक दिन, प्रसुती तथा महिला रोग, बालरोग, जनरल तथा ल्याप्रोस्कोपिक सर्जन,मानसिक तथा स्नायु,पेट छाती तथा मुटुरोग विशेषज्ञ प्रत्येक दिन सेवा प्रदान करटी आइल बा ।

ओस्टेक वरिष्ठ एनेस्थेशियोलोजिष्ट एवं क्रिटीकल केयर सेवा, मुटुरोग विशेषज्ञ डि एम कार्डियोलोजी, वरिष्ठ छाला चर्मरोग, एलर्जी, यौन गुप्तरोग तथा सौन्दर्य विशेषज्ञ, नाक कान तथा घाँटी रोग, युरो सर्जन तथा मिनी पिसीएनएल तथा वरिष्ठ फिजीयोथेरापी प्रत्येक दिन सेवा प्रदान करटी रहल बा ।

रेडियोलोजी सेवा, रंगिन भिडीयो एक्सरे सेवा लगायत आइसियु एनआइसियु डायलासिस, स्वास्थ्य विमा सेवा प्रत्येक दिन २४ सै घण्टा उपलब्ध रहल अस्पतालके सिइओ खडायत जानकारी डेलै । वरिष्ठ नेफोलोजि, डायलासिस विषेशज्ञ हरेक शुक ओ शनिच्चर प्रदान करटी बा । साथे इमरजेन्सी सेवा ओ औषधी सेवा २४ सै घण्टा उपलब्ध रहल उहाँ जनैलै । अइना दिनमे नवजिवन अस्पताल बिरामीके बिश्वास कायम रख्टी थप सेवा सुबिधा सहित आघे बह्रना अस्पतालके सिइओ बटैलै ।