कैलालीमे ४५ औं नेत्रज्योति दिवस मनागिल

पहुरा समाचारदाता
धनगढी, १३ चैत । नेपाल नेत्रज्योति संघसे अपन ४५ औं नेत्रज्योति दिवस टमान कार्यक्रम करके मनैले बा ।

‘हमार कर्तव्य, हमार जिम्मेवारी, आँखी सेवामे साझेदारी’ कना नाराके साथ कैलालीके धनगढीमे गेटा आँखा अस्पतालके व्यवस्थापन तथा नेत्रज्योति संघ, नेपाल पत्रकार महासंघ सुदूरपश्चिम प्रदेश कमिटि ओ कैलाली शाखाके संयूक्त आयोजनामे टमान कार्यक्रम करल हो ।

दिवसके अवसरमे कैलालीके धनगढी ट्राफिक चौराहासे आँखा उपचार केन्द्र बुद्धमन्दिरसम पर्चा पम्पलेटसहित सचेतनामुलक ¥याली करल रहे । ¥यालीमे संघके पदाधिकारी, सदस्य, सञ्चारकर्मी लगायत सरोकारवालाहुकनके सहभागिता रहल रहे ।
ओस्टेक, दिवसके अवसरमे एक दिने निःशूल्क आँखा शिविर करल बा । कैलाली शाखा अध्यक्ष दिव्यप्रसाद पन्तके अध्यक्षतामे कार्यक्रममे उहाँ गेटा आँखा अस्पताल स्थापनाकालसे प्रदेशके अन्धोपन, मोतिविन्दु शल्यक्रिया, आँखा उपचारमे सुधार हुइटी आइल बटैलै ।

कार्यक्रममे नेपाल पत्रकार महासघके केन्द्रीय सचिव हेमकर्ण विक, प्रदेश अध्यक्ष योगेश रावल ओ जिल्ला अध्यक्ष हिमालय जोशी लगायत मन्तव्य व्यक्त रहिट ।