पाँच दिने खाजा नास्ता बनैना तालिम सम्पन्न

पहुरा समाचारदाता
हसुलिया, १३ चैत । कैलालीके कैलारी गाउँपालिका वडा नम्बर ५ मे पाँच दिने खाजा नास्ता बनैना तालिम निम्जल बा ।

कैलारी गाउँपालिका ५ नम्बर वडा कार्यालयके आर्थिक सहयोग ओ थारु महिला संजाल कैलारी गाउँपालिकाके आयोजनामे लक्षित वर्ग कार्यक्रम अन्र्तगत तालिम डेगिल हो । यिहे चैत ९ गतेसे सुरु हुइल तालिमम समापन कार्यक्रम वडा अध्यक्ष विष्णु प्रसाद चौधरीके वडका पहुनामे हुइल रहे । कार्यक्रममे बोल्टी उहाँ तालिम भेटाइल महिलाहुक्रे छोट लगानीमेफे खाजा नास्ताके व्यवसाय संचालन करके आयस्रोत बह्रैनामे टेवा पुग्न बटैलै ।

कैलारी गाउँपालिकास्तरीय थारु महिला संजालके अध्यक्ष सरिता चौधरीके अध्यक्षतामे हुइल तालिम समापन कार्यक्रमके संचालन संजालके सचिव अनिता चौधरी करले रही । तालिममे वडा नम्बर ५ प्रत्येक गाउँके एक÷एक जनहन समेटके १६ जानेक सहभागिता करागिल रहे ।

तालिममे प्रशिक्षक रेणुका चौधरी करले रहिट । कार्यक्रममे विशिष्ट पहुना वडा सचिव सोनुराम चौधरीलगायत कर्मचारीहुकनके उपस्थित रहे ।