गाउँपालिका स्तरीय अनुगमन समितिसे सडक स्तरोन्नतीके अनुगमन

पहुरा समाचारदाता
हसुलिया, १४ चैत । कैलालीके कैलारी गाउँपालिका स्तरीय अनुगमन समुहसे ग्राभेल डगर स्तरोन्नतीके अनुगमन कैगिल बा ।

गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी सहित प्राविधिक टोलीसे मंगरके रोज वडा नम्बर १ मे कैगिल ग्राभेल डगर स्तरोन्तीके स्थलगत अनुगमन कैगिल हो ।

गाउँपालिकाके आर्थिक सहयोगमे वडा नम्बर १ के गहदुलमण्डीसे मनाउँ आधारभूत स्वास्थ्य चौकीसम डारगिल ग्राभेलके अनुगमन करल समिति संयोजक बटैली । यकर लाग १५ लाख बजेट कैगिल रहे ।

अनुगमनमे पूर्वाधार विकास समितिके संयोजक प्रेम बहादुर चौधरी, योजना शाखा प्रमुख सन्तोषकुमार चौधरी, सदस्य सुनिलादेवी चौधरी ओ प्राविधिक सवओभरसियर सुनिलकुमार चौधरीलगागतके सहभागिता रहे ।