हाट बजार व्यवस्थापनके लाग सामाग्री वितरण

पहुरा समाचारदाता
सुखड, १५ चैत । कैलालीमे हाट बजार व्यवस्थापन लाग सामाग्री वितरण करल बा ।

जिल्लाके गौरीगंगा, घोडाघोडी, भजनी नगरपालिका ओ कैलारी गाउँपालिकाका भिटरके १७ जाने उत्पादन समूहके सदस्यहुकनहे सामाग्री वितरण करल हो । दिगो विकास समाज भजनी कैलाली ओ वल्र्ड भिजन इन्टरनेशनल नेपाल कैलालीके साझेदारीमे सञ्चालित पोषण तथा उत्थानशील जीविकोपार्जन परियोजनासे ओइनहे सामाग्री वितरण करल रहे ।

प्रतिव्यक्ति ५ हजार ५ सय ५० रुप्या बराबरके सामाग्री वितरण करल पोषण तथा उत्थानशील जीविकोपार्जन परियोजनाके अधिकृत प्रभु ढकाल जानकारी डेलै । ओइनहे प्लास्टिक क्रेट, डिजिटल तराजु ओ त्रिपाल जैसिन सामाग्री वितरण करल रहे । हाट बजारमे अपन वस्तु नियमित रुपमे बिक्री करके हाट बजार व्यवस्थापन कैना, जीविकोपार्जन करके आर्थिक आम्दानी वृद्धि करके वाल संवृद्धि नन्ना उद्देश्यसे कृषि सामाग्री वितरण करल उहाँ बटैलै ।

जीविकोपार्जन करके आर्थिक आम्दानी करेक लाग सामाग्री वितरण करल उहाँ बटैलै । कृषि सामाग्री पाके कृषक बहुट खुसी हुइल रहिट । वितरण आघे दिगो विकास समाज ओ सामाग्री प्राप्त कर्ता बिच दुई पक्षीय सम्झौता समेत करल बा । सम्झौतामे उल्लेखित उद्देश्यहे पुरा करके कम्तीमेफे हप्ताके २ दिन अनिवार्यसे बजारमे बिक्री करे पर्ना प्रतिबद्धता समेत ओइने जाहेर करले बटै । वितरण कार्यक्रममे दिगो विकास समाज भजनीके परियोजना अधिकृत प्रभु ढकाल, मुकेश चौधरी, सुरज चौधरीके सहभागिता रहल रहे ।