कैलाली बहुमुखी क्याम्पससे धनगढीमे बृहत राष्ट्रिय प्राज्ञिक सम्मेलन कैना
पहुरा समाचारदा
धनगढी, १६ चैत । धनगढीमे रहल कैलाली बहुमुखी क्याम्पस (केएमसी)से प्राज्ञिक राष्ट्रिय सम्मेलन कैना हुइल बा ।
सुदूरपश्चिम विश्व विद्यालय अन्र्तगत रहल केएमसीमे पहिल चो सम्मेलन हुई लागल बिफेक रोज धनगढीमे पत्रकार सम्मेलन करके जानकारी डेहल हो । यहि चैत १८ ओ १९ गते हुइना सम्मेलनमे मुलुकभरके प्राध्यापक तथा उप–प्राध्याकहुक्रे अपन अध्ययन ओ अनुसन्धान प्रस्तुत करही ।
अनुसन्धान तथा व्यवस्थापन सेल, कैलाली बहुमुखी क्याम्पस, धनगढीे संयोजक तथा उप–प्राध्यापक मोहनसिंह साउँदसे डेहल जानकारी अनुसार सम्मेलनमे ६२ जाने टमान विषयमे अपन प्रस्तुति रख्ही । ‘सम्मेलनमे अपन प्रस्तुति राखेक लाग देशव्यापी रुपमे ७६ जनहनके दावी परल रहे,’ साउँद कहलै । ’ओइने मन्से ६२ जाने अपन प्रस्तुति रख्ही ।’
सम्मेलनमे सुदूरपश्चिम विश्वविद्यालय, नेपाल सांस्कृतिक विश्व विद्यालय, त्रिभुवन विश्व विद्यालय, काठमाण्डौँ विश्व विद्यालय, गण्डकी विश्वविद्यालय ओ भारतके लखनउ लगायतके विश्वविद्यालयसे ६२ जाने अपन प्रस्तुति रख्ही ।
सम्मेलनमे सुदूरपश्चिम विश्वविद्यालय, नेपाल सांस्कृतिक विश्व विद्यालय, त्रिभुवन विश्व विद्यालय, काठमाण्डौँ विश्व विद्यालय, गण्डकी विश्वविद्यालय ओ भारतके लखनउ लगायतके विश्वविद्यालयसे ६२ जाने अपन प्रस्तुति रख्ही । राष्ट्रिय सम्मेलन क्याम्पसमे हुइना बा ।
विहान ७ बजे से साँझ ५ बजेसम हुइना सम्मेलनमे एक जाने १५ मिनेट जटरा अपन प्रस्तुति रख्ही । कैलाली बहुमुखी क्याम्पसके इतिहासमे पहिल चो सुदूरपश्चिममे सम्मेलन हुई लागल उप–प्राध्यापक साउँदके कहाई बा ।
प्राज्ञिक व्यक्तिहुक्रे समाजमे रहल संस्कारहुकनहे सम्मेलनमे झल्कैना विश्वास उहाँक रहल बा । सम्मेलनमे ४ ठो विधाहे समेटल बा । शिक्षा, व्यावस्थापन, विज्ञान ओ समाजहे समेटल जनाइल बा । सम्मेलनसे देश विदेशके अनुसन्धानकर्ताहुक्रे समाजमे नुक्के रहल बाटहे बाहेर नन्नामे सहयोग पुग्न प्राध्यापक डा. राजेन्द्रविर चन्द विश्वास व्यक्त करलै । उहाँ सुदूरपश्चिममे पहिल चो अनुसन्धानमे आधारित सम्मेलन हुई लागल ओरसे यहाँके नागरिकहुकनहे सहभागि हुके जानकारी लेडेना आग्रह समेत करले बटै ।
कैलाली बहुमुखी क्याम्ससके उप–प्राध्यापक भुवन भण्डारी यी सम्मलेन पहिच चो राष्ट्रियस्तरमे सुरु करल ओ यिहीहे निरन्तरता डेटी भविष्यमे अन्तर्राष्ट्रियस्तरसम लैजैना बटैलै ।
