एडभान्स सिलाई कटाई तालिम सुरु

पहुरा समाचारदाता
हसुलिया, १७ चैत । कैलालीके कैलारी गाउँपालिका–४ मे एडभान्स सिलाई कटाई तालिम सुरु हुइल बा ।

वडा नम्बर ४ के आयोजनामे गरिबी निवारणका लाग लघु उद्यम विकास कार्यक्रम मेड्पा अन्तर्गत वडा नं ४ ओ ६ के उद्यमीहुकनहे माग तथा सम्भाव्यतामे आधारित दुई महिने एडभान्स सिलाई तालिम सुरु हुइल हो । उ तालिमके उदघाटन गाउँपालिकाके अध्यक्ष तथा कार्यक्रमके वडका पहुना राजसमझ चौधरी करल रहिट ।

वडा नम्बर ४ वडा अध्यक्ष ठागुराम चौधरीके अध्यक्षतामे हुइल तालिम उदघाटन कार्यक्रममे विशिष्ट पहुना वडा नम्बर ६ के वडा अध्यक्ष प्रेम बहादुर चौधरी, पहुना वडा सदस्य लक्ष्मीकुमारी चौधरी, मोहनलाल चौधरी, हरिद्वारी चौधरी, वडा सचिव श्रीप्रसाद चौधरीलगायत कर्मचारीहुकनके सहभागिता रहे ।

कार्यक्रमके संचालन कैलारी गाउँपालिकाके लघु उद्यम विकास सहजकर्ता प्रदीप चौधरी करले रहिट । तालिम जेठ १५ गतेसम संचालन हुइना बा ।