आजसे गौरीगंगा गोल्डकप प्रतियोगिता
पहुरा समाचारदाता
धनगढी, २१ चैत । कैलालीके गौरीगंगा नगरपालिकामे मंगर(आज)से आयोजना हुइना जगशक्ति गोल्ड टिएमटी टिसरा सुदूरपश्चिम गौरीगंगा गोल्डकप २०७९ के तयारी पुरा हुइल बा । ‘खेलौ फूटबल रमेर, खेलकुदको संन्देश, शान्ति स्थायीत्व र एकताबद्ध देश’ कना नाराके साथ गौरीगंगा–११ स्पोर्टस क्लबके आयोजनामे हुइना सुदुरपश्चिम गौरीगंगा गोल्डकपके तयारी पुरा हुइल आयोजक पत्रकार सम्मेल कैटी जानकारी डेहल हो ।
प्रतियोगिताके उद्घाटन सुदुरपश्चिम प्रदेशके प्रदेश प्रमुख देवराज जोशीसे हुइना जनाइल बा । उद्घाटन खेलमे आयोजक गौरीगंगा ११ स्पोर्टस क्लब ओ डोटी जिल्लाके टीम बीच प्रतिस्पर्धा हुइना जनाइल बा । प्रतियोगिता चैत ३० गतेसम आयोजना हुइना बा । प्रतियोगितामे १० टीमके सहभागिता रहल बा । आयोजक गौरीगंगा–११ सँगे कैलाली, कञ्चनपुर, डोटी, बाजुरा, बांके, बर्दिया, नवलपरासी जिल्लाका टीमके साथे नेपाल पुलिस ओ शसस्त्र प्रहरी बलके टीमके सहभागीता रहल बा ।
प्रतियोगिताके विजेताहे ट्रफी सहित नगद ४ लाख ओ उपविजेताहे ट्रफी सहित नगद २ लाख पुरस्कार प्रदान करजैना बा कलेसे सर्वोत्कृष्ट खेलाडीहे नगद ५० हजार प्रदान करजैना आयोजक जनैले बा । साथे सर्वाधिक गोलकर्ता, उत्कृष्ट गोलरक्षक लगायत टमान विद्याके उत्कृष्ट खेलाडीहे विधागत रुपमे ट्रफी सहित नगद १० हजार पुरस्कार डेजैना बा । प्रतियोगिताके ‘म्यान अफ द म्याच’ हे ट्रफी सहित नगद ५ हजार प्रदान करजैना आयोजक जनैले बा । सुदूरपश्चिम प्रदेशके पर्यटन प्रबद्र्धधन कैना, नगर क्षेत्रमे खेलकूदके चहलपहल बह्रैना, व्यवसायीक खेलाडी उत्पादन तथा युवाहे खेलकूदमे लग्ना अभिप्रेरित करक लाग प्रतियोगिता करटी रहल क्लबके अध्यक्ष दिनेश कलेल जानकारी डेलै ।
प्रतियोगिताके मुख्य प्रायोजकमे जगदम्बा ईन्टरप्राईजेजके उत्पादन जगशक्तिे गोल्ड टिएमटि फलामे छड रहल बा । मुख्य प्रबद्र्धकमे गौरीगंगा नगरपालिका, सुदुरपश्चिम प्रदेश खेलकुद परिषद, राष्ट्रिय खेलकुद परिषद, नेपाल टेलिकम रहल बावै । प्रतियोगिताके प्रायोजकमे सिराज ईन्टरनेशनल, न्यु प्लानेट ईन्जिनियरिङ, केवी सौगात क्लिनिक ओ वेष्टन लिकर्स रहल बावै ।
