धनगढी उपमहानगरपालिकासे सरसफाई अभियान तिब्र

पहुरा समाचारदाता
धनगढी, २२ चैत । धनगढी उपमहानगरपालिकासे सक्कु वडामे सरसफाई अभियान तिब्र बनैले बा ।

उपमहानगरपालिकाहे प्लाष्टिक मुक्त क्षेत्र घोषणा कैटी सक्कु वडामे सरसफाई अभियानहे सफा तिब्रता बनाइल हो । बुधके रोज वडा नं १५ उर्मा दक्षिण टोलमे सामाजिक परिचालक मन्कुराम चौधरीके नेतृत्वमे टोलविकास समिति ओ सरसफाई समितिसे सरसफाई कार्यक्रम कैगिल बा ।

प्रयोग करके सडक ओ छोउमे फेकल प्लाष्टिक जन्य बस्तु, सडक क्षेत्रमे धारल काठी, मल हटैनासे लेके गैयाभैस डगरेम बाँधे नइडेना सल्लाह सुझाव डेना करल सामाजिक परिचालक मन्कुराम बटैलै । उहाँ, कहलै, सडक छेउछाउमे नम्मा समयसे फेकल प्लाष्टिक, बोटललगायत झारपाट हटैना काम करजाइठ । यम्ने स्थानीयहुक्रनके साथ ओ सहयोगफे रहल बा ।’

ओस्टेक करके मंगरके रोज धनगढी उपमहानगरपालिका वडा न. ४ मे टोल विकास सस्था पुनर्गठनके टोल टोलमे सरसफाइ कार्यक्रम कैगिल बा । एन्डिपथ टोल विकास सस्था पुनर्गठन कैनाके साथे सरसफाइ कार्यक्रम कैगिल उपमहानगरपालिका जनैले बा ।

फोहोर व्यवस्थापन सम्बन्धी योजनाहे हातेमालो करके सफल बनैना टोलबासीहुकनकेफे दायित्वसंगे काम ओ कर्तव्यके विषयमे छलफल कैगिल बा । ओस्टेक एकता टोलमे सरसफाई कार्यक्रम कैगिल बा ।