योजना उपभोक्ता समितिके पदाधिकारीनहे अभिमुखीकरण

पहुरा समाचारदाता
हसुलिया, २३ चैत । कैलारी गाउँपालिकाके आयोजनामे योजना उपभोक्ता समितिके पदाधिकारीनहे बुधके रोज योजना कार्यान्वयन सम्बन्धी एक दिने अभिमुखीकरण तालिम डेहल बा ।

वडा नम्बर १, ५ ओ ९ के योजना उपभोक्ता समितिके पदाधिकारीनहे योजना कार्यान्वयन सम्बन्धी एक दिने अभिमुखीकरण तालिम डेहल हो ।

कैलारी गाउँपालिका १ नम्बर वडाके धोजहरिपाल बोहराके अध्यक्षतामे हुइल रहे । कार्यक्रममे बोल्टी गुणस्तरीय काम करललाग उपभोक्ता जरुरी रहल ओ काम मजा हुइलेसे पालिकासे भुक्तानी कैना समस्या हुइना बटैलै । प्राविधिकहुक्रे फिटासे नाँपजोख करके काम करठै । जस्टे परिणाम आइल ओस्टे भुक्तानी हुइना उहाँ बटै ।

तालिममे योजना शाखा प्रमुख प्रमुख सन्तोषकुमार चौधरी ओ ओभरसियर सुनिल चौधरी सहजीकरण करल रहिट । कार्यक्रममे उपभोक्ता समितिके काम कर्तव्य अधिकार, आवश्यक कागजात, करकट्टी, सार्वजनिक सुनुवाई, अनुगमन, बजेट विनियोजन प्रक्रिया, संचालनबारे जानकारी डेहल बा । ओस्टेक योजना उपभोक्ता समितिके पदाधिकारीनहे हाल हाली योजनाके काम कैना निर्देशनफे डेहल बा ।

तालिम समापन कार्यक्रम वडा सदस्य तुल्सीप्रसाद चौधरीके अध्यक्षततामे हुइल रहे । तालिममे नवगठित उपभोक्ता समितिके पदाधिकारीहुकनके उपस्थिति रहल रहे ।