कैलालीमे कोरोनाके सक्रिय संक्रमित ४० पुग्लै

पहुरा समाचारदात
धनगढी, २३ चैत । कैलाली जिल्लामे कोरोना भाइरसके सक्रिय संक्रमितके संख्या ४० जाने पुगल बटै ।

सुदूरपश्चिम प्रदेश सामाजिक विकास मन्त्रालय स्वास्थ्य निर्देशनालय डोटीसे डेहल जानकारी अनुसार बुधसम कैलालीमे ४० जाने कोरोनाके सक्रिय संक्रमति पुगल जनागिल हो । पीसिआर पोजेटिभ १० ओ एन्टीजेनके ३० जाने रहल निर्देशनालय जनैले बा ।
ओस्टेक करके सुदूरपश्चिम प्रदेशके कञ्चनपुरमे पीसिआर पोजेटिभ १ ओ एन्टीजेनके ७ करके आठ जाने सक्रिय कोरोना संक्रमित रहल बटै । प्रदेशके बैतडीमे २ ओ दार्चुलामे १ जाने सक्रिय संक्रमित बटै ।

सुदूरपश्चिम प्रदेशभर कोरोनाके सक्रिय संक्रमित जम्मा ५१ जाने रहल निर्देशनालय जनैले बा । संक्रमितहुकनके अवस्था हेरेबेर सक्कु भारतसे रोजगारी करके नेपाल प्रवेश करुइया डेखल बटै ।