बर्दियाके नव युवा मैत्री भाव क्लब सेमिफाइनलमे
पहुरा समाचारदाता
धनगढी, २४ चैत । बर्दियाके नव युवा मैत्री भाव एकता समाज क्लब तेस्रो सुदूरपश्चिम गौरीगङ्गा गोल्ड कपके सेमिफाइनलमे प्रवेश करले बा ।
टाइब्रेकरमे कञ्चनपुरके हिमाल फ्रेन्ड्स क्लबहे ३–२ गोल अन्तरसे पराजित कैके बर्दिया ‘जग शक्ति गोल्ड टिएमटी टिसरा सुदूरपश्चिम गौरीगङ्गा गोल्ड कप’ के अन्तिम चारमे पुग्ना डुसरा टोली बनल हो । बाँकेके कोहलपुर रेसिङ सहारा क्लब इहीसे आघे नै सेमिफाइनलमे पुगसेकल बा ।
शुकके हुइल खेलमे निर्धारित समय भित्रे डुनु टोलीसे गोलरहित बराबरी खेलल्पाछे टाइब्रेकरसे नजिता निकारल हो । पेनाल्टीमे बर्दियाके ओरसे योगेश थापा, चिरण कार्की ओ अभिषेक बम गोल कैना सफल हुइल रहिट । कञ्चनपुरके ओरसे शिव वोटे ओ अञ्जन बोगटी किल गोल कैना सफल हुइल रहिट ।
प्रतियोगिता अन्तरगत शनिच्चरके सेमिफाइनल प्रवेशके लाग कैलाली ओ आयोजक प्रतिस्पर्धा कैना जनाइल बा ।
‘खेलौँ फुटबल रमेर, खेलकुदको सन्देश, शान्ति स्थायित्व र एकताबद्ध देश’ कना नाराके साथ गौरीगङ्गा–११ स्पोर्टस् क्लबसे आयोजना करल प्रतियोगिता चैत ३० गतेसम सञ्चालन हुइना बा ।
प्रतियोगितामे १० टीमके सहभागिता रहल बा । आयोजक गौरीगंगा–११ सँगे कैलाली, कञ्चनपुर, डोटी, बाजुरा, बांके, बर्दिया, नवलपरासी जिल्लाका टीमके साथे नेपाल पुलिस ओ शसस्त्र प्रहरी बलके टीमके सहभागीता रहल बा ।
प्रतियोगिताके विजेताहे ट्रफी सहित नगद ४ लाख ओ उपविजेताहे ट्रफी सहित नगद २ लाख पुरस्कार प्रदान करजैना बा कलेसे सर्वोत्कृष्ट खेलाडीहे नगद ५० हजार प्रदान करजैना आयोजक जनैले बा । साथे सर्वाधिक गोलकर्ता, उत्कृष्ट गोलरक्षक लगायत टमान विद्याके उत्कृष्ट खेलाडीहे विधागत रुपमे ट्रफी सहित नगद १० हजार पुरस्कार डेजैना बा ।
प्रतियोगिताके ‘म्यान अफ द म्याच’ हे ट्रफी सहित नगद ५ हजार प्रदान करजैना आयोजक जनैले बा । सुदूरपश्चिम प्रदेशके पर्यटन प्रबद्र्धधन कैना, नगर क्षेत्रमे खेलकूदके चहलपहल बह्रैना, व्यवसायीक खेलाडी उत्पादन तथा युवाहे खेलकूदमे लग्ना अभिप्रेरित करक लाग प्रतियोगिता करटी रहल क्लबके अध्यक्ष दिनेश कलेल जानकारी डेलै ।
प्रतियोगिताके मुख्य प्रायोजकमा जगदम्बा ईन्टरप्राईजेजके उत्पादन जग शक्ति गोल्ड टिएमटी फलामे छड रहल बा । मुख्य प्रवर्द्धकमे गौरीगङ्गा नगरपालिका, सुदूरपश्चिम प्रदेश खेलकुद परिषद्, राष्ट्रिय खेलकुद परिषद्, नेपाल टेलिकम रहल बावै । प्रतियोगिताके प्रायोजकमे सिराज ईन्टरनेशनल, न्यु प्लानेट इन्जिनियरिङ, केवी सौगात क्लिनिक ओ वेष्टन लिकर्स रहल बावै ।
