होटेल व्यवसायी संघके अध्यक्षमे पाण्डेय

पहुरा समाचारदाता
धनगढी, २६ चैत । होटेल व्यवसायी संघ कैलालीके अध्यक्षमे केशवदत्त पाण्डेय चयन हुइल बटैं । संघके २९ औं साधारण सभा तथा आठौं जिल्ला अधिवेशनसे पाण्डेयके अध्यक्षतामे १५ सदस्यीय जिल्ला कार्यसमिति निर्विरोध निर्वाचित हुइल हो ।

संघके उपाध्यक्षमे दीपककुमार थापा क्षेत्री, महासचिवमे अवेशकुमार चन्द, सचिवमे प्रजापति जोशी ओ कोषाध्यक्षमे भक्तबहादुर थापा निर्वाचित हुइल बटैं । अस्टेक सदस्यमे धर्मराज भट्ट, केशबहादुर बोहोरा, केशव चन्द, कुलदीप ध्वज थापा, विष्णु केसी, कस्नसिंह कुडमाल, सोमराज सापकोटा, भीमबहादुर शाही, राकेश भट्ट, सुरेन्द्रबहादुर थापा चयन हुइल बटैं ।

यीआघे होटेल व्यवसायी महासंघ नेपालके केन्द्रीय अध्यक्ष दिनेशकुमार चुके उद्घाटन करले रहैं । कार्यक्रम संघके जिल्ला अध्यक्ष कलम बमके अध्यक्षतामे हुइल रहे ।