प्रथम रिया स्पोर्टस कप ब्याटमिन्टन प्रतियोगिता हुइना
पहुरा समाचारदाता
धनगढी, २६ चैत । धनगढीमे प्रथम रिया स्पोर्टस कप ब्याटमिन्टन प्रतियोगिता–२०८० हुइना हुइल बा । अँट्वारके रोज धनगढीमे पत्रकार सम्मेलन कैके आयोजक नयाँ वर्षके अवसरमे प्रथम रिया स्पोर्टस कप ब्याटमिन्टन प्रतियोगिता हुइना जानकारी कराइल बा ।
धनगढी रंगशालामे बैशाख १ ओ २ गते हुइना ब्याटमिन्टन प्रतियोगितामे चैत ३० गतेसम्म टिम दर्ता कैरना प्रतियोगीताके संयोजक प्रकाश सिंह बटैलैं । उहाँक अनुसार टिम दर्ता शुल्क १ हजार ५ सय तोकल बा ।
प्रतियोगितामे प्रथमहे नगद २५ हजार, दोसरहे १५ हजार ओ तेसहे १० हजार नगद पुरस्कारसहित प्रमाणपत्र प्राप्त करि । ब्याटमिन्टन प्रतियोगितामे राष्ट्रिय खेल ओ क्षेत्रीय खेल खेलल खेलाडीहुक्रे सहभागी हुइ नैपैना खेल प्रशिक्षक तथा निर्देशक केशव बडुवाल बटैलैं । प्रतियोगितामे जौनफेन उमेर समूहके खेलाडी सहभागी हुइ पैना उहाँ बटैलैं ।
कार्यक्रममे आयोजकके वीरेन्द्र शाह, नविन सिंह, टेकेन्द्र घर्ती, मेघराज कठायत तथा नेपाल पत्रकार महासंघ कैलालीके अध्यक्ष हिमाल जोशीलगायतके उपस्थिति रहे ।
