५४ ठो कुक्करीनके बन्धयाकरण

पहुरा समाचारदाता
धनगढी, २६ चैत । धनगढी उपमहानगरपालिकासे बजार क्षेत्रके ५४ ठो सामुदायिक कुक्करीनके बन्ध्याकरण करले बा ।

धनगढी उप–महानगरपालिकाके आर्थिक सहयोग ओ भ्याली एनिमल क्लिनिक काठमाडौके प्राविधिक सहयोगमे बजार क्षेत्रके सामुदायिक कुक्करीनके बन्ध्याकरण करल हो ।

बजार क्षेत्रमे सामुदायिक कुक्करीनके संख्या ढेर हुइल ओ सकारेक समयमे नेंङघुम करेबेर कुक्करीनसे कटना रखेदना जनगुनासो पश्चात् सामुदायिक कुक्करीनके संख्या घटैना विकल्पके रुपमे बन्ध्याकरण शिविर संचालन करल उपमहानगरपालिका जनैले बा । अँटवारसे सुरु हुइल सामुदायिक कुक्करीनके बन्ध्याकरण कैना शिविर ३ दिनसम चल्न बा ।