सामाजिक परिचालक तालिम सुरु
पहुरा समाचारदाता
हसुलिया, ३ बैशाख । कैलालीके कैलारी गाउँपालिका–४ के गाउँमे अध्यक्ष स्वरोजगार कार्यक्रम अन्र्तगत सामाजिक परिचालक तालिम सुरु हुइल बा ।
चेतना विकास समाज कैलारी–२ के आयोजनामे हुइल तालिम उदघाटन कार्यक्रमके वडका पहुना गाउँपालिका अध्यक्ष राजसमझ चौधरी रहल रहिट । तालिमके उदघाटन करटी उहाँ तालिममे पाइल सीपके सदुपयोग कैना यूवाहुकनके आग्रह करलै । उहाँ कहलै, एक ठो यूवा टमान मेरिक तालिम लेठै । मने बहुट जैसिन तालिम लेना मने प्रमाणपत्र सीपके सदुपयोग नइकरल भेटठै ।
कार्यक्रममे विशिष्ट पहुना वडा नम्बर ३ वडा अध्यक्ष सन्तराम चौधरी, वडा नम्बर ४ के वडा अध्यक्ष ठागुराम चौधरी यूवाहुक्रे विकासके पिल्लरके रुपमे रहल बटैलै । कार्यक्रममे कार्यपालिका सदस्य लालबहादुर विक, वडा सदस्य लक्ष्मी चौधरी, सुवा परियार ओ हरिद्घारी चौधरी लगायत मन्तव्य व्यक्त करल रहिट ।
चेतना विकास समाजके अध्यक्ष बसन्त चौधरीके अध्यक्षतामे हुइल कार्यक्रमके संचालन समाजके व्यवस्थापक कल्याण घिमिरे करले रहिट । पाँच दिनसम संचालन हुइना तालिममे प्रत्येक वडासे २ जाने करके १८ जानेक सहभागिता रहल बा । पहिल रोज समाजके व्यवस्थापक कल्यान घिमिरे सहजीकरण करल रहिट ।
