महिला तथा अपाङता हुइल व्यक्ति लक्षित आर्थिक नीति तथा आंचारसहिता निर्माण कार्यशाला

पहुरा समाचारदाता
हसुलिया, ४ वैशाख । महिला तथा अपाङता हुइल व्यक्तिके उद्यमशिलता मार्फत आर्थिक सशक्तीकरण सम्बन्धी नीति÷कार्यविधि निर्माणके लाग हसुलियामे दुई दिने कार्यशाला गोष्ठी सुरु हुइल बा ।

कैलारी गाउँपालिकाके आयोजना तथा वल्र्ड विभन इन्टरनेशनल नेपाल ओ दिगो विकास समाज भजनीके आर्थिक तथा प्राविधिक सहयोगमे ‘महिला तथा आप्रवासीहरुको आर्थिक पुनस्र्थापना परियोजना’ अन्र्तगत महिला तथा अपाङता हुइल व्यक्तिके उद्यमशिलता मार्फत आर्थिक सशक्तीकरण सम्बन्धी नीति÷कार्यविधि निर्माणके लाग कार्यशाला हुइटी रहल बा ।
कैलारी गाउँपालिकाके अध्यक्ष राजसमझ चौधरीके अध्यक्षतामे हुइल कार्यशाला उदघाटन कार्यक्रममे महिला तथा अपाङता हुइल व्यक्तिके उद्यमशिलतामे संलग्ना कराके आर्थिक उपार्जन तथा सशक्तीकरणके लाग नीति, अंचारसहिता निर्माण करजैटी रहल बा ।

कार्यशालामे गाउँकार्यपालिका सदस्य, विषयगत शाखाके प्रमुख, सामाजिक विकास शाखा, आर्थिक विकास शाखा, महिला उद्यमी संजालके प्रतिनिधि, व्यावसायिक सेवा प्रदायक, कृषक संजाल, अपाङगता हुइल व्यक्तिके नेटवर्कके प्रतिनीधि, उत्पादनमुलक समुह, कृषक समुह, महिला तथा अपाङगता हुइल व्यक्तिहुकनके जिविकोपार्जन तथा हकहितमे काम कैना संस्था ओ सहकारीके प्रतिनिधिविच पालिकासे अवलम्बन करल नीति नियम, कार्यविधि ओ ऐनबारे समुहगत छलफल करटी नीति तथा अंचारसहिता निर्माण हुइटी रहल वल्र्ड भिजन इन्टरनेशनल नेपालके प्राजेक्ट लिड दिलिप चन्द ढकाल बटैलै ।
कार्यक्रममे दिगो विकास समाजके परियोजना संयोजक रतन बहादुर विक महिला तथा अपाङता हुइल व्यक्तिके जिविकोपार्जन, अन्तर्राष्ट्रिय कानूनी अभ्यास, नेपालके संविधानमे र्निदिस्त हुइल अधिकार, १५औं योजनामे महिला तथा अपाङता रहल व्यक्तिके लाग समेटल अधिकार, प्रावधानबारे जानकारी डेहल रहिट ।

दुई दिने कार्यशालामे क्वेष्ट फर डेभेलपमेन्ट इनिसिएटिभके परामर्शदाता भीमराज अवस्थी ओ धनबहादुर ऐर सहजीकरण करटी रहल बटै । उदघाटन कार्यक्रमके संचालन कैलारी गाउँपालिकाके सामाजिक विकास शाखाके प्रमुख यगम कलेल, स्वागत मन्तव्य वडा नम्बर ३ के वडा अध्यक्ष सन्तराम चौधरी करले रहिट ।

कार्यक्रममे दिगो विकास समाज भजनीके अध्यक्ष रामबहादुर सुनार, प्रमुख प्रशासकीय अधिकृत विरबहादुर ऐर लगायत टमान शाखाके प्रमुख, वडा अध्यक्षहुकनके सहभागिता रहल बा ।