पाँच दिने खाजा, नास्ता तालिम सुरु

पहुरा समाचारदाता
हसुलिया, ४ बैशाख । कैलालीके कैलारी गाउँपालिका वडा नम्बर ४ के गाउँमे पाँच दिने खाजा, नास्ता तालिम सुरुवाट हुइल बा ।

कैलारी गाउँपालिकाके आर्थिक सहयोग तथा चेतना विकास समाज कैलारी–२ उजेलीसेमरके आयोजनामे अध्यक्ष स्वरोजगार कार्यक्रम अन्र्तगत तालिम सुरुवाट हुइल हो । चेतना विकास समाजके अध्यक्ष बसन्त चौधरीके अध्यक्षतामे हुइल तालिम उदघाटन कार्यक्रमके वडका पहुना कैलारी गाउँपालिका–४ के वडा अध्यक्ष ठागुराम चौधरी रहल रहिट ।

कार्यक्रममे बोल्टी उहाँ खाजा नास्ता पसलमे छोट लगानीसे मजा आम्दानी करे सेक्ना बटैलै । उहाँ कहलै, खाजा नास्ता पसल संचालन करेक लाग भारी भारी होटल नइचाहना बल्की ठेलामेफे यी व्यवसाय करे सेक्ना बटैलै । कार्यक्रममे वडा सदस्य लक्ष्मी चौधरी, हरिद्वारी चौधरी, वडा सचिव श्री प्रसाद चौधरीलगायतके उपस्थिति रहे ।

कार्यक्रमके संचालन सस्थाके सचिव भिकराम चौधरी ओ उदेश्यबारे जानकारी संस्थाके व्यवस्थापक कल्याण घिमिरे करले रहिट । तालिममे सहजीकरण÷प्रशिक्षण सुरेन्द्र चौधरी डेटी रहल बटै । तालिममे वडा नम्बर ३ ओ ४ के १५ जानेक सहभागिता रहल बा ।