अपाङगता रहल महिलाहे अवसरके खाँचो बाः गाउँपालिका उपाध्यक्ष

पहुरा समाचारदाता
हसुलिया, ५ बैशाख । कैलारी गाउँपालिकाके उपाध्यक्ष भगवतीकुमारी चौधरी महिला भिटरफे अपाङगता रहल महिलाहुकनके आव अवसर डेहे पर्ना जरुरी बटैले बटी ।

महिला तथा अपाङता हुइल व्यक्तिके उद्यमशिलता मार्फत आर्थिक सशक्तीकरण सम्बन्धी नीति÷कार्यविधि निर्माणके लाग हसुलियामे हुइल दुई दिने कार्यशाला गोष्ठीके समापन कार्यक्रममे बोल्टी उहाँ अपाङता रहल महिला जबफे अवसरसे बञ्चित हुइटी गैल ओरसे नीति ओ कार्यविधि बनाके ओइनहे अधिकार सम्पन्न बनैना बँटवाइल रहिट ।

अपने समाज, घरपरिवारभिटर महिला हिंसामे परल बटै,’ गाउँपालिका उपाध्यक्ष कहली, ‘ओम्नेसेफे अपाङता रहल महिलाके पीडा आउर दर्दनाक बा । अपाङता रहल महिलाहे टमान मेरिक हिंसा खेपे परल बा । ओइने घरपरिवारसे बाहेरफे आई नइसेकल हुइट ।’

महिला तथा अपाङता हुइल व्यक्ति आर्थिक रुपमे शसक्त नइरहल ओरसे जबफे पाछे परल रठै । टबमारे गाउँपालिकासे आब उद्यमशिलता मार्फत आर्थिक सशक्तीकरणके लाग नीति ओ कार्यविधि बनाके आघे बह्रना उपाध्यक्ष बटैली ।
प्रमुख प्रशासकीय अधिकृत विरबहादुर ऐर महिला तथा अपाङता हुइल व्यक्तिके लाग संविधान नियम कानूनमे टमान अधिकार समेटल मने कार्यान्वयन नइहुइल बटैलै ।

कार्यक्रममे दिगो विकास समाज भजनीके अध्यक्ष रामबहादुर सुनार, कैलारी गाउँपालिकाके कार्यपालिका सदस्य टीका चौधरी भुललगायतसे महिला तथा अपाङता हुइल व्यक्तिनहे उद्यमशिलता मार्फत आर्थिक सशक्तीकरण सम्बन्धी नीति÷कार्यविधि निर्माण करके कार्यन्वयन आवश्यक रहल बटैले रहिट ।

कैलारी गाउँपालिकाके आयोजना तथा वल्र्ड विभन इन्टरनेशनल नेपाल ओ दिगो विकास समाज भजनीके आर्थिक तथा प्राविधिक सहयोगमे ‘महिला तथा आप्रवासीहरुको आर्थिक पुनस्र्थापना परियोजना’ अन्र्तगत महिला तथा अपाङता हुइल व्यक्तिके उद्यमशिलता मार्फत आर्थिक सशक्तीकरण सम्बन्धी नीति÷कार्यविधि निर्माणके लाग कार्यशाला हुइल रहे ।

कार्यशालामे गाउँकार्यपालिका सदस्य, विषयगत शाखाके प्रमुख, सामाजिक विकास शाखा, आर्थिक विकास शाखा, महिला उद्यमी संजालके प्रतिनिधि, व्यावसायिक सेवा प्रदायक, कृषक संजाल, अपाङगता हुइल व्यक्तिके नेटवर्कके प्रतिनीधि, उत्पादनमुलक समुह, कृषक समुह, महिला तथा अपाङगता हुइल व्यक्तिहुकनके जिविकोपार्जन तथा हकहितमे काम कैना संस्था ओ सहकारीके प्रतिनिधिविच पालिकासे अवलम्बन करल नीति नियम, कार्यविधि ओ ऐनबारे समुहगत छलफल करटी नीति तथा अंचारसहिता निर्माण हुइटी रहल वल्र्ड भिजन इन्टरनेशनल नेपालके प्राजेक्ट लिड दिलिप चन्द ढकाल बटैलै ।

कार्यक्रममे दिगो विकास समाजके परियोजना संयोजक रतन बहादुर विक महिला तथा अपाङता हुइल व्यक्तिके जिविकोपार्जन, अन्तर्राष्ट्रिय कानूनी अभ्यास, नेपालके संविधानमे र्निदिस्त हुइल अधिकार, १५औं योजनामे महिला तथा अपाङता रहल व्यक्तिके लाग समेटल अधिकार, प्रावधानबारे जानकारी डेहल रहिट ।

दुई दिने कार्यशालामे क्वेष्ट फर डेभेलपमेन्ट इनिसिएटिभके परामर्शदाता भीमराज अवस्थी ओ धनबहादुर ऐर सहजीकरण करल रहिट । समापन कार्यक्रमके संचालन कैलारी गाउँपालिकाके सामाजिक विकास शाखाके प्रमुख यगम कलेल करल रहिट ।
कार्यक्रममे दिगो विकास समाज भजनीके सहजकर्ता रम्ला चौधरी टमान शाखाके प्रमुख, वडा अध्यक्षलगायतकेफे सहभागिता रहे ।